Charter Document - 07410083
| Charter Number: | 07410083 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1234 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus has literas visuris vel audituris Andreas permissione divina Moraviensis episcopus eternam in Domino salutem Noveritis universi nobis mediantibus amicabiliter fuisse compositum in causa que vertebatur inter capitulum nostrum ex una parte et nobilem virum dominum Alanum Hostiarium ex altera super una dimidia dauacha terre quam predictum capitulum dicebat pertinere ad ecclesiam de Urchard que est pars prebende pertinentis ad cancellariam ecclesie Sancte Trinitatis de Elgyn sub hac forma scilicet quod predictum capitulum et Willelmus tunc temporis cancellarius predicte ecclesie Sancte Trinitatis quietum clamavit predicto nobili viro domino Alano Hostiario clamium suum et totum jus quod se dicebat habere in predicta terra Predictus vero Alanus nomine pacis dedit ecclesie de Urchard medietatem terre petite scilicet dimidiam dimidie dauache que appellatur dimidia dauacha ecclesie predicte in puram liberam et perpetuam elemosinam ita tamen quod ille et heredes sui habebunt illam dimidiam partem illius dimidie dauache ad feodi firmam perpetuam reddendo inde ecclesie de Urchard singulis annis x solidos scilicet quinque solidos ad Pentecosten et quinque solidos ad festum Sancti Martini in hyeme proxime sequens Habebit autem predicta ecclesia de Urchard unum croftum plenarium et unum toftum quatuor acrarum assignatum eidem ecclesie prope eam in loco congruo et competenti ex dono predicti nobilis viri in liberam puram et perpetuam elemosinam In premissorum autem firmum et indubitabile testimonium illi parti hujus scripture in modum cyrographi confecte que remanet penes capitulum predictum appositum est sigillum predicti nobilis viri domini Alani Hostiarii et nostrum illi vero parti que remanet penes sepe dictum nobilem virum appositum est sigillum capituli nostri et nostrum Testibus domino Herbertus abbate de Kynlos Willelmo Cumyn clerico Helia vicario de Baneth magistro Robertus de Stuteuill Waltero de Moravia Johanne Byseth Johanne Cambron Rogero Loren Gylleroch de Urchard Alexandro Johanne Flandrensibus Radulpho camerario Symone dispensatore Malcungy Mallesnach et aliis Actum anno gratie MCCXXXIII v Idus marcii