Charter Document - 07410082
| Charter Number: | 07410082 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1232 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Universis sancte matris ecclesie filiis hoc scriptum visuris vel audituris Andreas permissione divina episcopus Moraviensis eternam in Domino salutem Cum sit bonum et jocundum habitare fratres in unum sollicita provisione omnique sagacitate et studio curandum est et satagendum ut exstirpetur omnis materia amaritudinis in ecclesia omnis causa scandali omnis occasio fraterne imitationis irrumpende que possunt diversis casibus emergentibus inter rectores ecclesiarum emergere inimico hominis superseminante zizania inter eosdem Ea propter de consilio et consensu capituli ecclesie nostre cathedralis clero dyoecesis nostre gratum prebentes assensum decrevimus statuendum atque firmiter inconcusse et inviolabiliter futuris temporibus in episcopatu Moraviensi perpetuo observandum ut super decimis quas ecclesie a quadraginta annis usque ad tempora instantia pacifice et sine interpellatione bonaque fide perceperunt nulla de cetero fit lis nulla controversia nulla penitus contentio nec aliquis audiatur in judicio super hiis ullam volens movere questionem sive de terris decime ille percepte fuerint sive de piscariis sive de multuris set ecclesie que eas hactenus habuerunt et perceperunt habeant et percipiant easdem omnibus futuris temporibus sine aliqua diminutione cessantibus occasione omni contradictione impedimentis universis et vexatione qualibet nec occasione perambulationem aliquarum vel mutationum dominorum vel translatione molendinorum de uno loco ad alium prohibeatur vel aliquo modo impediatur aliqua ecclesia vel ejus rector aliquis habere possidere consequi vel percipere predictas decimas universas de terris piscariis et multuris et omnibus aliis de quibus tempore hujus constitutionis decimas habere consuevit et per quadraginta annos continue et bona fide et sine judiciali proclamatione habuit possedit consecuta est et percepit Ut autem hec nostra constitutio rata fit et firma incommutabilis perpetua et inconcussa appositione sigilli dicti capituli nostri et subscriptionibus ejusdem necnon et subscriptionibus abbatum et priorum et cleri nostri una cum sigillo nostro presens scriptum roboratum est Actum anno gratie MCCXXXII quinto Idus Octobris Valete in Domino universi Ego Andreas Moraviensis episcopus subscribo Ego Symon decanus Moraviensis Ego Willelmus precentor Moraviensis Ego Willelmus cancellarius Moraviensis Ego Ranulphus archidiaconus Moraviensis Ego Griffinus Moraviensis ecclesie canonicus Ego Willelmus Agnus canonicus Moraviensis Ego Lambertus succentor Moraviensis Ego Gylbertus canonicus Moraviensis Ego Walterus subdecanus Ego Robertus canonicus de Duppol Ego Andreas vicarius de Inuernys Ego R vicarius de Petyn Ego Radulphus vicarius de Dyke Ego Symon vicarius del Moy Ego Reginaldus vicarius de Abirlouer Ego Walterus vicarius ecclesie de Kynedor subscribo