Charter Document - 07410080
| Charter Number: | 07410080 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1232 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus hoc scriptum visuris uel audituris Nouerint omnes de consilio et consensu et voluntate decani et capituli Mor ecclesie cathedralis conuenisse inter Andream Mor episcopum ex parte vna et Gilbertum filium Gilberti quondam Comitis de Stratheren ex alia sub hac forma scilicet quod predictus Gilbertus et heredes sui tenebant de predicto episcopo et successoribus suis ad feodo firmam dimidiam dauach de Kyncarny per rectas diuisas et cum omnibus iustis pertinentiis suis Reddendo inde singulis annis predicto episcopo et successoribus suis pro omni seruicio et exaccione ad eosdem pertinentibus tres marcas sterlingorum legalium medietatem scilicet ad Pentecoste et aliam medietatem ad festum sancti Martini in hyeme proximo sequens faciendo forinseco seruicio domini regis quantum ad predictam terram pertinet Si autem predicta terra per guerram fuerit destructa secundum arbitrium bonorum virorum de predicta firma minuetur saluis etiam predicto episcopo et successoribus suis natiuis hominibus dicte terre omnibus et singulis Si autem contingent quod predictus Gylbertus uel aliquis heredum suorum contra predictam conuencionem uenire presumpserit dabit nomine pene episcopo Mor x marcas sterlingorum legalium manente nihilominus et firmiter obseruanda ab eisdem predicta conuencione Hoc autem fiet quocienscunque dictam conuencionem dictus Gylbertus uel aliquis heredum suorum infringere presumpserit In premissorum autem firmum et indubitabile testimonium illi parti huius scripture in modum chyrographi confecto que remansura est apud predictum Gylbertum et heredes suos apposita sunt sigilla predictorum episcopi et capituli sui cum subscriptionibus eorundem alteri uero parti que remansura est apud predictum episcopum et successores suos appositum est sigillum Gylberti cum signo eiusdem manifesto Testibus domino Symone decano Morau ecclesie Magistro Willelmo precentore Ranulpho archidiacono Willelmo Cancellario Gylberto de Bradhouche Nicholao monacho Vallis Crescentis Petro et Iohanne clericis nostris Symone de Orreby Radulphus camerario Willelmo de Sutherlandia Willelmo filio Fearchar Comitis de Ros Actum Anno gracie MCCXXXIJ pridie Idus Septembris