Charter Document - 07410079
| Charter Number: | 07410079 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1232 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus sancte matris ecclesie filiis hoc scriptum visuris vel audituris Andreas permissione divina Moraviensis episcopus eternam in Domino salutem Noveritis universi nos de consilio et voluntate et consensu decani et capituli nostri dedisse et concessisse et hac presenti carta nostra confirmasse Duncano filio Gillemychel Math totam terram nostram de Dolays Mychel per rectas divisas suas et cum omnibus justis pertinentiis suis tenendam de nobis et successoribus nostris sibi et heredibus suis in feodo et hereditate quam scilicet terram dedimus predicto Duncano in escambium unius dauache terre in Strathardol que appellatur Petcarene Quare volumus ut predictus Duncanus et heredes sui habeant et possideant predictam terram de Dolays Mychel et teneant eam de nobis et successoribus nostris in feodo et hereditate libere quiete plenaria et honorifice in escambium prenominate terre de Petcarene reddendo inde forinsecum servitium domini Regis quod ad predictam terram pertinet de Dolays Mychel et sequendo curiam nostram et de omni exactione et servitio alio ad nos vel successores nostros pertinentibus ipse et heredes sui perpetuo liberi erunt et quieti In premissorum autem firmum et indubitabile testimonium hanc cartam nostram appositione et appensione sigilli nostri et capituli nostri cum subscriptionibus canonicorum fecimus roborari Testibus Thome priore de Urchard fratre Nicholao vallis crescentis Radulpho Symone et Mauricio capellanis nostris Johanne et Andree Alexandro de Duglas Andree Wysman Symone de Orreby Thome dispensatore Waltero coco Waltero marescallo servientibus nostris Actum anno gratie MCCXXXII vii Kalendas Augusti Ego Andreas episcopus Moraviensis subscribo Ego Griffinus canonicus Moraviensis subscribo Ego Symon decanus Sancte Trinitatis de Elgyn subscribo Ego Willelmus cantor Moraviensis subscribo Ego Robertus thesaurarius Moraviensis subscribo Ego Radulphus archidiaconus Moraviensis subscribo Ego Johannes subdecanus subscribo Ego Lambertus succentor Moraviensis subscribo Ego Archebaldus canonicus de Croyn Ego Willelmus canonicus de Petyn Ego Gylbertus canonicus ecclesie Sancte Trinitatis de Elgyn subscribo Ego Robertus de Duppol Ego Edwardus canonicus del Muy Ego Johannes canonicus ecclesie Sancte Trinitatis de Elgyn subscribo Ego Andreas canonicus ecclesie Sancte Trinitatis de Elgyn subscribo