Charter Document - 07410078
| Charter Number: | 07410078 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1232 |
| Date type: | Internal, Calendar, Papal |
| Resource Link(s): |
|
Charter:
Gregorius episcopus servus servorum Dei dilectis filiis Decano et capitulo Moraviensi salutem et apostolicam benedictionem Debet hoc sedes apostolica cujus instantia est omnium ecclesiarum sollicitudo continua summa ope providere ut ecclesie ac viri ecclesiastici in sua libertate ferventur et hii maxime qui in remotis partibus constituti ad eam sine multa difficultate non possunt accedere ipsius subsidium super suis gravaminibus petituri Hinc est quod vestris precibus inclinati auctoritate presentium districtius inhibemus ne quis ecclesia vestra pastore vacante impedire presumat quo minus ad electionem pontificis libere et canonice procedere valeatis vos baculum pastoralem et alia insignia pontificalia ad curiam secularem hec ab ipsa recepturi deferre temptetis cum quod spirituale est secularem potestatem non debet exhiberi Nulli ergo hominum liceat hanc paginam nostre inhibitionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Lateran Idibus Aprilis pontificatus nostri anno quinto