Charter Document - 07410077

Noverint omnes hoc scriptum visuri vel audituri quod cum mote essent plures controversie inter Archidiaconum et Precentorem Moraviensis ecclesie super quibusdam decimis nomine prebendarum de Forays de Rathed et de Alvays et rectores ecclesie de Keth nomine ejusdem ecclesie super decimis de Strathylyf ex parte una et abbatem et conventum de Kynlos ex altera de consilio proborum virorum et de voluntate et assensu partium nomine prebendarum et ecclesiarum predictarum sic amicabiliter est inter eos compositum et ordinatum scilicet quod predicti archidiaconus et precentor nomine prebendarum et ecclesiarum suarum de Forays et de Rathed et de Alvays et rectores ecclesie de Keth nomine ejusdem ecclesie de consensu et assensu totius capituli Moraviensis totum jus quod dicebant et credebant se habere vel habebant in rebus petitis quietum clamaverunt pro se et successoribus renunciantes liti mote et movende impetratis et impetrandis super premissis in hac forma quod [de] terra de Strathylyf sita in parochia de Keth et terris suis sitis in parochiis de Forays Rathed et de Alvays cum date fuerint ad firmam vel ex asse vel ex parte de terris ad firmam datis ecclesie parochiales in quarum parochiis dicte terre sunt site a firmaris omnes decimas et rectitudines ecclesiasticas percipient De terris autem non datis ad firmam ratione privilegiorum suorum a prestatione decimarum iidem monachi erunt immunes Episcopus autem Moraviensis omnes do nationes dictis monachis rationabiliter factas et omnes libertates et jura quorum confirmatio ad Episcopum pertinet juxta officium sue administrationis confirmavit eisdem Preterea dictus Episcopus Moraviensis nomine Moraviensis ecclesie ob certas causas et eidem ecclesie necessarias omni juri et exactioni sibi et ecclesie Moraviensi competentibus de illa parte terre que appellatur Kyrkeburne de assensu decani et capituli Moraviensis pro se et successoribus suis penitus et inperpetuum renunciavit Omnia autem instrumenta super premissis confecta nisi sint indulgentie vel privilegia quacunque parte fuerint inventa irrita sint et prolata nullam habeant firmitatem ut ex eis jus aliquod habeatur vel adquiratur nisi ad probationem et declarationem in hoc instrumento contentorum Abbas autem et con ventus de Kynlos quo ad terras sitas in parochiis prebendarum et ecclesiarum predictarum quieti erunt et immunes inperpetuum ab omni exactione et prestatione decimarum juxta tenorem privilegiorum suorum excepto quod pro bono pacis utilitate et incremento episcopatus archidiaconatus precentarie ecclesie Moraviensis et ecclesie de Keth episcopis Moraviensibus ex debito tres solidos et iiii denarios archidiaconatu tres marcas precentarie x solidos et ecclesie de Keth vi marcas singulis annis per solvent sub hac forma scilicet quod si dicti monachi totas terras suas sitas in parochiis de Forais de Rathueth de Alvays et de Keth vel in aliqua istarum parochiarum totam terram suam ad firmam dederint ecclesia in cujus parochia sita est terra ad firmam data omnes decimas et rectitudines ecclesiasticas a firmaris predictarum terrarum plene percipiet et integre et dicti monachi quieti erunt a solutione portionis dicte pecunie que contingit archidiaconum vel precentorem si in eorum parochia vel ecclesiam de Keth si in ejus parochia sita est terra data ad firmam Si autem aliquo tam partem dederint monachi ad firmam terrarum in predictis parochiis sitarum de tota portione pecunie predicte quieti erunt et absoluti quota portio terre ad firmam data fuerit quoad eos in quorum parochiis terre fite fuerint ad firmam date et residuum integraliter persolvetur Ita tamen quod predicti tres solidi et quatuor denarii singulis annis inperpetuum solventur episcopis Moraviensibus pro decimis domini Regis de Burgyn et hec supradicta singulis annis secundum formam singulis solventur ad festum Sancti Martini in hyeme Terra quidem ad monachos termino firme elapso devoluta contenti erunt predicti archidiaconus precentor et rectores ecclesie de Keth necnon et omnes eis in posterum successuri supra taxata pecunie summa eisdem annuatim persolvenda juxta predictam distinctionem Ad hec igitur fideliter tenenda et servanda dicti Episcopus Archidiaconus et Precentor Moraviensis nomine episcopatus de Forays de Rathueth de Alvays prebendarum et rectores ecclesie de Keth nomine ejusdem ecclesie Abbas et monachi memorati per solemnem promissionem et presentem scripturam se obligaverunt quibus omnibus auctoritas Episcopi cum consensu capituli sui interveniente accessit et hec omnia confirmavit juxta quod in instrumento ejusdem autentico super hoc confecto plenius continetur ut ordinatio ista realis fit et non personalis In horum autem firmum et indubitabile testimonium ei parti scripture in modum cyrographi confecte que penes predictos Abbatem monachos et conventum remanet appensa sunt sigilla domini Alexandri illustrissimi Regis Scotie et predictorum Episcopi et capituli Moraviensis necnon et decani archidiaconi precentoris et cancellarii Moraviensis cum subscriptionibus canonicorum Moraviensis ecclesie ei autem parti que penes sepe dictum Episcopum et capitulum Moravie habetur appensa sunt sigilla Abbatum de Melros de Neubotyl de Cuper de Sancto Servano de Deer et de Sancto Edwardo una cum sigillo predicti Abbatis de Kynlos cum subscriptionibus monachorum suorum Conventum est autem et promissum solempniter et [per] presentem solemnem scripturam obligaverunt se sepe dictus Episcopus pro se et successoribus suis dicti archidiaconus et precentor capitulum Moraviense et rectores ecclesie de Keth item predictus Abbas et conventus de Kynlos pro se et sibi in posterum successuris ad subeundam penam centum marcarum solvendam servantibus supradicta fideliter in omnibus ab hiis qui contra eam in aliquo temere venire presumpserint vel attemptaverint Actum anno gratie MCCXXIX mense Septembri xii Kalendas Octobris anno regni domini Alexandri Regis Scotie xv apud Kynlos per manus Roberti ejusdem loci subprioris Ego frater Herbertus dictus abbas de Kynlos per manum fratris subprioris subscribo Ego frater Symon prior subscribo Ego frater Robertus de Aberden subscribo Ego frater Alketinus de Pethmus subscribo Ego frater Robertus de Saute subscribo Ego frater Benedictus Augustini subscribo Ego frater Teodicus de Jar subscribo Ego frater Willelmus de Invernar subscribo Ego frater Willelmus de Salteby subscribo Ego frater David de Lynton Ego frater Ricardus de Jenico Ego frater Rogerus de Muy Ego frater Robertus de Duffus Ego frater Henricus de Kyntessoc Ego frater Hugo de Abyrden Ego frater Thomas de Fif Ego frater Robertus de Elgyn Ego frater Alanus de Forays Ego frater Radulphus de Abyrden Ego frater Henricus de Gyseburn Ego frater Ricardus de Addun Ego frater Willelmus de Dunde Inuernys Ego frater Robertus de Addun subscribo Ego frater Alexander de Ego frater Serlo de Anegus subscribo