Charter Document - 07410075

Noverint omnes hoc scriptum visuri vel audituri quod cum esset controversia inter dominum Andream episcopum Moraviensem ex parte una et dominum Robertus episcopum Rossensem et capitulum ejus ex alia predicto Andree Moraviensi episcopo petente nomine sue ecclesie coram judicibus delegatis a domino Papa scilicet venerabilibus viris Abbate de Der Decano et Archidiacono Aberdonensi de Ardrosser et de Gylltalargyn ecclesias in subjectionem quo ad jus dyoecesani et misso in possessionem causa rei servande anno elapso facto vero possessore tandem de consilio prudentum pro bono et utilitate utriusque scilicet ecclesie Moraviensis et Rossensis auctoritate predictorum judicum interveniente de consensu et assensu capitulorum utriusque ecclesie et clericorum inter ipsas sub forma pacis lis est finaliter sopita scilicet quod episcopi Moravienfes ecclesiam de Kyntalargyn quo ad jus dyoecesani possidebunt episcopi vero Rossenses ecclesiam de Ardrosser quo ad omnia ecclesiastica inperpetuum habebunt sicut predecessores eorum prius eam tenuerunt Item dictus Andream Moraviensis episcopus pro se et successoribus suis de assensu totius capituli sui toti juri si quid in ecclesia de Ardrosser habuit vel habere potuit renunciavit et omni actioni et impetrationi solempniter promittens quod nullum jus in ecclesia de Ardrosser nec in aliquo ad ipsam spectante amplius nec ipse nec successores sui vendicabunt Episcopo Rossensi pro se et successoribus suis de consensu capituli sui et clericorum suorum quo ad ecclesiam de Kyntalargyn eodem modo per omnia renunciante et idem per omnia promittente Preterea Episcopus Rossensis dedit inperpetuum de consensu capituli et ecclesie sue et cleri unam petram [cere] ecclesie cathedrali de Elgyn pro confraternitate et orationibus et aliis beneficiis ibidem faciendis habenda quam Johannes Byfeth et heredes sui dabunt ecclesie cathedrali de Ros sicut ipsius carta inde confecta testatur Convenit etiam quod si aliqua predictarum ecclesiarum contra suprascripta in aliquo venire attemptaverit penam centum librarum sterlingorum legalium servanti compositionem persolvet nihilominus stante compositione Et ut hec compositio realis fit et non personalis prefati judices delegati cum auctoritate sepe dictorum Episcoporum auctoritatem suam interposuerunt In premissorum autem firmum et indubitabile testimonium ei parti hujus scripture in modum cyrographi confecte que penes episcopos Moravienses remanet appensa sunt sigilla sepe dicti Episcopi Rossensis et capituli una cum sigillis predictorum judicum delegatorum cum subscriptionibus canonicorum Rossensis ecclesie et clericorum illi vero parti que penes episcopos Rossenses est remansura apposita sunt sigilla predictorum Episcopi et capituli Moraviensis et predictorum judicum cum subscriptionibus canonicorum Moravie et clericorum Actum anno gratie MCCXXVI in vigilia purificationis beate Marie Virginis apud Kenedor Ego Robertus Rossensis episcopus et canonicus subscribo Ego Henricus decanus de Rosmarkyn subscribo Ego Willelmus thesaurarius de Rosmarkyn subscribo Ego Robertus archidiaconus et canonicus Rossensis ecclesie subscribo Ego Edwardus Beket canonicus Rossensis subscribo Ego Archebaldus canonicus Rossensis subscribo Ego Mauricius persona de Kyncardyn Ego Jacobus vicarius de Alenes Ego Adam Bur persona de Alenes Ego Brydinus vicarius Tene Ego Johannes vicarius de Conten Ego Matheus persona de Lochbon Ego Douenaldus vicarius de Locuinethereth Ego Willelmus Poer persona de Lemnelar Ego Jeronimus persona de Culicuden Ego Thomas persona de Sudy Ego Andreas persona de Keltierny Ego Andreas vicarius de Arterbert Ego Mauricius canonicus de Rosmarkyn persona de Ardrosser subscribo per procuratorem quia cecus Ego Petrus canonicus Moraviensis simul et Rossensis subscribo