Charter Document - 07410074
| Charter Number: | 07410074 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1226 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri controversiam que vertebatur inter Andream Moraviensem episcopum ex parte una et Gylbertum Hostiarium ex altera super decimis cani que quod consuevit solvi annuatim domino Regi de terra de Strathbroc et super dimidia dauacha terre que appellatur Buleske amicabiliter fuisse sopitam in hac forma scilicet quod predictus Gylbertus quietam clamavit inperpetuum pro se et heredibus suis predicto Episcopo et successoribus suis omnibus illam dimidiam dauacham terre que appellatur Buleske habendam et tenendam in puram et perpetuam elemosinam salvo forinseco servitio domini Regis ad dictam terram pertinente Predictus vero Episcopus de consilio et consensu capituli sui pro se et successoribus suis omnibus predicto Gylberto et heredibus suis quietas clamavit inperpetuum decimas de cano domini Regis que eidem Regi eidem Episcopo solvi consueverant singulis annis ante feodationem predicti Gylberti quas et idem Episcopus ad se pertinere dicebat In horum autem firmum et indubitabile testimonium illi parti hujus scripture in modum cyrographi confecte que remanet penes predictum Gylbertum apposita sunt sigilla predicti Episcopi et capituli cum subscriptionibus fratrum alteri vero parti que remanet penes predictum Episcopum apposita sunt sigilla Abbatis de Kynlos et Prioris de Urchard judicum sub delegatorum et sigillum Abbatis de Aberbrothock una cum sigillo predicti Gylberti Testibus Waltero de Moravia filio quondam Willelmi de Moravia Willelmo de Moravia milite Erkenbaldo de Duglas fratre quondam Bricii episcopi Radulpho capellano dicti episcopi Symone et Andree clericis dicti episcopi Actum anno gratie MCCXXVI in vigilia Omnium Sanctorum in ecclesia cathedrali apud Elgyn