Charter Document - 07410072
| Charter Number: | 07410072 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1226 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Johannes Byseth salutem Noveritis universi me pro anima Regis Willelmi quondam Scottorum et pro salute Domini mei filii ejus Alexandri illustris Regis Scottorum necnon et pro salute animarum antecessorum et successorum meorum concessisse et hac presenti carta mea confirmasse Deo et ecclesie Sancti Petri et domui leprosorum de Rothfan et fratribus ibidem Deo servientibus et servituris in puram et perpetuam elemosinam ecclesiam de Kyltalargyn cum omnibus pertinentiis suis Atque dominum Andream Moraviensem episcopum ad instantiam et supplicationem meam atque presentationem Willelmum priorem dicte domus nomine fratrum suorum ad predictam ecclesiam canonice admisisse et eandem dedisse et concessisse et carta sua confirmasse domui leprosorum de Rothfan et fratribus ibidem Deo servientibus et servituris in puram et perpetuam elemosinam Habendam in proprios usus ad sustentationem suam inperpetuum cum omnibus ad eam juste pertinentibus in terris et decimis et oblationibus obventionibus et omnimodis ecclesiasticis rectitudinibus libere plenaria quiete et honorifice Testibus domino Andree episcopo Freskyno decano Hugone archidiacono Moraviensi Henrico decano Rossensi et vicario de Dulbathlach Henrico capellano meo Willelmo fratre meo Thome Hostiario vicecomite de Inuernys Waltero Prath vicecomite de Inuernarrin Ricardo vicecomite de Forays vicecomite de Elgyn Hugone Corbeth Wadino scutifero meo aliis Actum anno gratie MCCXXVI mense Junio die mensis ejusdem decimo nono Alexandro et multis apud Inuernys