Charter Document - 07410071
| Charter Number: | 07410071 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1223 - 1226 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas visuris vel audituris Johannes Byseth eternam in Domino salutem Universitati vestre significo me caritatis intuitu et pro anima domini Willelmi Regis Scotie et pro salute domini mei Alexandri nobilis Regis necnon et pro salute animarum antecessorum et successorum meorum dedisse concessisse et hac presenti carta mea confirmasse Deo et ecclesie Sancti Petri de Rothfan ad sustentationem leprosorum ibidem Deo servientium jus patronatus et quicquid habui in donatione ecclesie de Kyltalargy quantum ad meam pertinet donationem Habendam et possidendam sibi et successoribus suis de me et heredibus meis adeo libere quiete plenaria et honorifice in liberam puram et perpetuam elemosinam sicut aliqua ecclesia ab aliquo milite vel barone in regno Scotie liberius quietius plenius et honorificentius tenetur et possidetur Preterea dedi domui tantum de rebus meis et averiis unde placati sunt et fideliter mihi et heredibus meis promiserunt et per puplicum et solemne instrumentum se obligaverunt quod unum capellanum ibidem Deo sacra ministrantem et septem leprosos et unum famulum illis servientem pro redemptione peccatorum suorum inperpetuum sustinebunt ac illis singulis in necessariis competenter ministrabunt Cum autem aliquem illorum infirmorum mori contigerit vel de domo predicta recesserit donec predictus numerus compleatur per me vel heredes meos alius presentabitur et instituetur Quod ut ratum et firmum inperpetuum habeatur presens scriptum cum sigillo meo dignum duxi roborandum Hiis testibus domino Andree episcopo Freskin decano Hugone archidiacono Moraviensi Henrici decano Rossensi [Alexander] vicecomite Moraviensi Thome Hostiario de Inuernys Waltero Prath de Inuernarrin Ricardus de Forays Willelmo fratre meo Hugone Corbeth Symone vicario de Dilbathlach Henrici capellano meo qui hanc scripsit Wadino scutifero meo et multis aliis