Charter Document - 07410068
| Charter Number: | 07410068 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Constitution |
| Date: | 1226 - 1227 |
| Date type: | Internal, A.D. |
| Resource Link(s): |
People of Medieval Scotland |
Charter:
In nomine Patris et Filii et Spiritus Sancti amen Ego Andreas Moraviensis episcopus per consensum capituli Moraviensis divinum in ecclesia nostra cathedrali scilicet ecclesia Sancte Trinitatis apud Elgyn constituo duas prebendas et eas eidem ecclesie assigno perpetuo jure habendas in prebendas sive canonicas et possidendas unam videlicet de ecclesiis de Kingusy et del Inche cum mansis suis et aliam de ecclesiis de Croyn et de Lunyn cum mansis suis quam volo ut ille habeat qui pro tempore in ecclesia cathedrali vicarius meus extiterit et canonicus sit ejusdem ecclesie residentiam facturus in eadem tanquam vicarius meus et de alio vicario inveniendo non onerandus licet canonicus fuerit me autem de inveniendo vicario alio exonerabat Volo autem constituo et concedo ut predicte ecclesie sint prebendas et quicunque prebendas jam dictas canonice optinuerit eas habeat in puram et perpetuam elemosinam cum mansis decimis oblationibus obventionibus et universis rectitudinibus ecclesiasticis adeo libere quiete plenaria pacifice et honorifice sicut aliqua prebenda in predicta ecclesia cathedrali liberius quietius plenius et honorificentius habetur et possidetur salvis episcopalibus In premissorum autem testimonium indubitabile ista manu propria conscripsi et tam subscriptione quam testimonio Decani nostri et canonicorum qui aderant feci roborari Actum anno gratie MCCXXVI Ego Freskynus decanus Moraviensis subscribo Ego Henricus thesaurarius Moraviensis subscribo Ego magister Willelmus canonicus Moraviensis subscribo Ego Edwardus canonicus Moraviensis subscribo Ego Robertus canonicus Moraviensis subscribo Ego Andreas canonicus Moraviensis subscribo