Charter Document - 07410066
| Charter Number: | 07410066 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Andreas permissione divina Moraviensis episcopus eternam in Domino salutem Noveritis universi nos dedisse et concessisse et hac presenti carta nostra confirmasse de consensu et voluntate capituli nostri Deo et beate Marie et ecclesie Sancte Trinitatis de Elgyn ad luminaria ejusdem ecclesie ecclesiam de Dulerguffyn in Stratheren in puram et perpetuam elemosinam Quare volumus ut predicta ecclesia Sancte Trinitatis habeat et possideat predictam ecclesiam de Dulergufyn cum omnibus justis pertinentiis suis in decimis oblationibus et obventionibus et omnibus rectitudinibus ecclesiasticis inperpetuum adeo libere quiete plenaria et honorifice cum uno crofto et tofto sicut aliqua ecclesia ruralis in nostra dyoecesi liberius plenius et honorificentius tenetur et possidetur Ut autem hec nostra donatio perpetuis temporibus rata maneat hanc paginam sigilli nostri appositione duximus roborandam Testibus Freskyno decano Hugone archidiacono magistro Henrico thesaurario magistro Willelmo magistro Edwardo Roberto de Duffus Symone capellano canonicis Moraviensibus Radulpho capellano nostro Symone de Guneby et Andree clericis nostris Symone de Orreby et Gylberto fratre ejus et aliis multis