Charter Document - 07410065
| Charter Number: | 07410065 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Andreas permissione divina Moraviensis episcopus eternam in Domino salutem Noveritis universi nos dedisse et concessisse et hac presenti carta nostra confirmasse et consensu et voluntate capituli Deo et beate Marie in ecclesia Sancte Trinitatis de Elgyn ad luminaria ejusdem ecclesie ecclesiam de Rathmorcus in Strathspe in puram et perpetuam elemosinam Quare volumus et concedimus ut dicta ecclesia Sancte Trinitatis habeat et possideat prenominatam ecclesiam cum omnibus justis pertinentiis suis in decimis et oblationibus et obventionibus et omnibus rectitudinibus ecclesiasticis inperpetuum adeo libere quiete plenaria et honorifice cum uno tofto et crofto sicut aliqua ecclesia ruralis in nostra dyoecesi liberius quietius plenius et honorificentius tenetur vel possidetur Salva nobis et successoribus nostris inperpetuum terra predicte ecclesie per suas rectas divisas et cum omnibus justis pertinentiis suis et salvis episcopalibus Ut autem hec nostra donatio perpetuis temporibus rata maneat et inconcussa persistat hanc paginam manu propria scriptam sigilli nostri appositione duximus roborandam Testibus Freskyno decano magistro Ricardo cantore magistro Henrico thesaurario Adam sub decano Lamberto succentore magistro Hugone magistro Edwardo Roberto parvo Roberto de Duffus canonicis nostris Radulpho capellano nostro Symone de Gunneby Symone de Orreby Gervasio de Gray servientibus nostris et aliis