Charter Document - 07410064
| Charter Number: | 07410064 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1224 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Andreas permissione divina Moraviensis episcopus eternam in Domino salutem Noveritis nos donationem illam quam Willelmus filius Willelmi filii Freskyni fecit Deo et ecclesie Sancte Trinitatis de Spyny et [collegio] canonicorum Deo ibidem servientium de ecclesia de Artildol cum omnibus ad eandem ecclesiam juste pertinenti bus exceptis decimis bladi de duabus dauachis que sunt juxta castellum de Bucharme scilicet Bucharme et Athenacork quarum omnes decime bladi auctoritate venerabilis patris et predecessoris nostri venerabilis memorie Bricii quondam Moraviensis episcopi assignate sunt capelle dicti castelli ad sustentationem capellani ejusdem capelle concesse in hac nostra carta confirmasse Deo et ecclesie Sancte Trinitatis de Elgyn et eidem collegio canonicorum ibidem Deo servientium Quare volumus et concedimus ut prefata ecclesia Sancte Trinitatis de Elgyn et collegium ibidem Deo serviens habeat predictam ecclesiam cum omnibus justis pertinentiis suis et rectitudinibus exceptis decimis de predictis duabus dauachis in puram et perpetuam elemosinam in decimis oblationibus et obventionibus omnimodis et omnibus ecclesiasticis rectitudinibus tam de vivis quam de mortuis tam de ejus ipso castello quam de ejus quolibet dominio et familia tota in omnibus ad communitatem vicariorum in eadem ecclesia de Elgyn pro tempore Deo servientium Ut autem hec nostra concessio et confirmatio futuris temporibus inperpetuum rata permaneat et inconcussa persistat hanc nostre confirmationis paginam manu propria conscriptam sigilli nostri appositione duximus muniendam Testibus Freskyno decano nostro magistro Henrico thesaurario Adam sub decano Lamberto succentore magistro Edwardo Roberto parvo Roberto de Duffus canonicis nostris Radulpho capellano nostro Symone de Guneby Symone de Orreby Gervasio Euas servientibus nostris et aliis