Charter Document - 07410061
| Charter Number: | 07410061 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Constitution |
| Date: | 1224 - 1226 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Andreas permissione divina Moraviensis episcopus eternam in Domino salutem Noveritis universi nos ob venerationem Sancte Trinitatis et gloriose beateque Virginis Dei Genetricis ad ampliationem cultus divini et ecclesiastice celebritatis constituisse duas prebendas in ecclesia nostra cathedrali de Elgyn unam de omnibus decimis garbarum infra parochiam del Muy provenientium quam volumus esse liberam et quietam ab omnibus ad nos et successores nostros pertinentibus et aliam de ecclesiis de Kynnor et de Dunbanan cum omnibus ad eas juste pertinentibus exceptis terris earum quas nobis et successoribus nostris perquirendas reservavimus et ad usus mense nostre perpetuo habendas et possidendas salvis etiam nobis et successoribus nostris episcopalibus in eisdem ecclesiis Divina etiam gratia nobis superveniente de voluntate et assensu Walteri de Moravia patroni ecclesiarum de Petyn et de Bracholyn de omnibus decimis garbarum infra parochias dictarum ecclesiarum provenientium unam constituimus prebendam et aliam de omnibus decimis garbarum provenientium infra parochias de Butruthyn et de Abyrlouer prebendam constituimus de voluntate et consensu predicti Walteri patroni similiter dictarum ecclesiarum Has vero duas prebendas ecclesie Sancte Trinitatis de Elgyn assignavimus consentiente predicto Waltero earundem prebendarum vel ecclesiarum patrono et futuro collatone cum vacaverint nobis et capitulo nostro eidem promittentibus et concedentibus necnon et heredibus suis inperpetuum ut tam ipse quam heredes sui omnibus futuris temporibus quotiens predictas prebendas vacare contigerit vel earum alteram presentandi ad eas viros ydoneos vel earum alteram ydoneam personam liberam habeant facultatem sine qualibet contradictione vel impedimento Volumus autem et concedimus ut prebende predicte ad donationem sepe dicti Walteri et heredum suorum pertinentes adeo libere sint et quiete ab omnibus ad nos et successores nostros pertinentibus sicut alie a venerabili patre et predecessore nostro bone memorie Bricio quondam Moraviensi episcopo constitute et ordinate et eisdem in omnibus libertatibus gaudeant et immunitatibus Salva nobis et successoribus nostris in parochianos predictarum ecclesiarum potestate episcopali et jurisdictione ordinaria et canonica Ut autem in posterum de premissis nulla possit oriri dubitatio ea huic pagine duximus commendanda et sigilli nostri appositione roboranda Testibus Freskyno decano nostro magistro Henrico thesaurario Adam sub decano Lamberto succentore magistro Willelmo Roberto parvo canonicis nostris nostro Thome de Croyn Gilberto capellano magistro Edwardo Radulpho capellano