Charter Document - 07410060
| Charter Number: | 07410060 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Constitution |
| Date: | 1224 - 1226 |
| Date type: | Assigned |
| Resource Link(s): |
People of Medieval Scotland |
Charter:
Andreas permissione divina Moraviensis episcopus viris venerabilibus filiis et fratribus in Christo dilectis decano et capitulo Moraviensi eternam in Domino salutem Inherere cupientes vestigiis venerabilis patris et predecessoris nostri bone memorie Bricii qui primus in ecclesia Moraviensi divini cultus ampliationem non solum pie sed tam provide quam solerter quam strenue procuravit in ecclesia nostra cathedrali unam superaddere decrevimus prebendam quam constituimus de ecclesiis de Kynor et Dunbanan quam magister Robertus de Stryhylle vir venerabilis et providus in manibus nostris resignavit Has igitur ecclesias vobis per vos ecclesie vestre perpetuo damus et concedimus et hac carta nostra confirmamus in prebendam Salva nobis et successoribus nostris ejus donatione quotiens eam vacare contigerit eamque magistro Willelmo clerico nostro filio Roberti de Lindesia conferimus in puram et perpetuam elemosinam Ut supradicta de cetero in dubium non valeant revocari set potius perpetuis inconcussa et inviolata permaneant temporibus ea sigilli nostri appositione roboravimus Testibus Ranulpho canonico Moraviensis ecclesie Roberto canonico ejusdem ecclesie domino Constantino monacho de Neubotel Mychaele pincerna Symone clerico Jacobo et Fleumaco Archibaldo de Wymeth Gervasio Augustino serviente nostro et aliis