Charter Document - 07410059
| Charter Number: | 07410059 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 - 1228 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Andreas permissione divina Moraviensis episcopus salutem in Domino Noverit universitas vestra nos donationem illam et investituram quam ad instantiam et petitionem pie recordationis Freskyni patroni ecclesie de Deveth venerande memorie Bricius quondam Moraviensis episcopus fecerat ecclesie et capitulo Sancte Trinitatis de Spyni de predicta ecclesia de Deveth ad fabricam predicte ecclesie Sancte Trinitatis assignata ratam et gratam habuisse et hac presenti carta nostra confirmasse Deo et ecclesie Sancte Trinitatis de Elgyn et canonicis ibidem Deo servientibus et inperpetuum servituris Quare volumus et concedimus ut predicta ecclesia Sancte Trinitatis de Elgyn et collegium canonicorum ibidem Deo serviens habeat predictam ecclesiam cum omnibus justis pertinentiis suis in terris decimis oblationibus et obventionibus et omnimodis rectitudinibus ecclesiasticis adeo libere quiete plenaria et honorifice sicut aliqua alia ecclesia in tota dyoecesi nostra liberius quietius plenius et honorificentius ab aliquo tenetur aut possidetur Salvis nobis et successoribus nostris episcopalibus Ut autem hec nostra confirmatio rata permaneat et inconcussa hanc paginam sigilli nostri munimine duximus roborandam Testibus Freskyno decano magistro Henrico thesaurario Adam sub decano magistro Willelmo magistro Roberto de Duffus Roberto parvo magistro Edwardo canonicis ecclesie Moraviensis Radulpho capellano nostro Symone de Guneby Symone de Oreby et aliis