Charter Document - 07410057
| Charter Number: | 07410057 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1224 |
| Date type: | Internal, Calendar, Papal |
| Resource Link(s): |
Reference Document for this Embedded Document People of Medieval Scotland |
Charter:
Honorius episcopus servus servorum Dei venerabili fratri Episcopo Cathanensi et dilectis filiis Abbati de Kynlos Moraviensis dioecesis et Decano de Rosmarkyn salutem et apostolicam benedictionem Veniens ad presentiam nostram venerabilis frater noster Moraviensis episcopus sepe nobis exposuit et nostris frequenter auribus inculcavit quod ipsius sedes preter id quod est in loco guerris imminentibus minus tuto in tam solitario loco consistit ut nulla ibi contingat venalia reperiri unde plerumque fit ut clericis pro emendis sibi necessariis longinquius accedentibus divinorum cultus officiorum non modice impeditur Quare idem Episcopus cum multa precum instantia postulavit a nobis ut sedem eandem ad locum transferri habiliorem scilicet Sancte Trinitatis juxta Elgyn karissimo filio nostro illustri Rege Scottorum ac Moraviensi capitulo hoc ipsum ut dictus Episcopus asserit affectantibus mandaremus Nos itaque discretionis vestre prudentie in Domino confidentes per apostolica vobis scripta mandamus quatinus vocatis quos videritis evocandos proviso etiam quod necessitas vel utilitas fieri hoc exposcat pensatis insuper circumstantiis universis super translatione hujusmodi auctoritate apostolica faciatis quod secundum Deum et utilitatem et honestatem Moraviensis ecclesie cognoveritis expedire quod si non omnes his exequendis potueritis interesse tu frater Episcope cum eorum altero ea nihilominus exequare Datum Lateran iiii Idus Aprilis pontificatus nostri anno viii