Charter Document - 07410054
| Charter Number: | 07410054 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1213 - 1222 |
| Date type: | Assigned |
| Resource Link(s): |
People of Medieval Scotland |
Charter:
Bricius Dei gratia Moraviensis episcopus universis Sancte Matris ecclesie filiis literas istas visuris vel audituris eternam in Domino salutem Noverit universitas vestra nos ecclesiam Sancte Trinitatis de Spyny et capitulum plene in vestisse de ecclesia de Deveth quam ad petitionem et instantiam Freskyny de Kerdal ejusdem ecclesie de Deveth patroni fabrice predicte ecclesie Sancte Trinitatis assignavimus dedimus et hac carta nostra confirmavimus Recepta igitur a nobis resignatione solemni Roberti quondam persone ecclesie de Deveth et sponte oblata et facta ab ipso renunciatione juris quod in eadem ecclesia idem Robertus habuit ecclesie Sancte Trinitatis et capitulo ejusdem plenam seysinam fecimus de eadem ecclesia cum omnibus ad eandem pertinentibus concedentes eisdem liberam et omnimodam ejusdem ecclesie et omnium pertinentium suorum ordinationem inperpetuum fructibus ipsius ecclesie et exitibus omnibus jure perpetuo ab ipso capitulo vel quolibet ejus procuratore ad hoc designato percipiendis et in usus fabrice ecclesie Sancte Trinitatis convertendis Quare volumus et concedimus ut predicta ecclesia Sancte Trinitatis predictam ecclesiam de Deveth in puram et perpetuam elemosinam habeat et possideat cum omnibus ad eam juste pertinentibus in terris decimis oblationibus et omnimodis obventionibus et ecclesiasticis rectitudinibus adeo libere quiete plenaria et honorifice sicut aliqua ecclesia in nostra dyoecesi liberius quietius plenius et honorificentius ab aliquo habetur vel possidetur Salvis nobis et successoribus nostris episcopalibus Testibus Adam episcopo Catanensi magistro Gilberto archidiacono nostro Adam et Roberto vicariis de Eryn et de Dyk Thome et Mauricio capellanis nostris Laurentio et Symone capellanis archidiaconi Moravie Alexandro et Henrico fratribus nostris