Charter Document - 07410053
| Charter Number: | 07410053 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1207 - 1222 |
| Date type: | Assigned |
| Resource Link(s): |
People of Medieval Scotland |
Charter:
Bricius Dei gratia episcopus Moraviensis universis sancte matris ecclesie filiis literas istas visuris vel audituris eternam in Domino salutem Noverit universitas vestra nos ad instantiam et petitionem Freskyni de Kerdal avunculi nostri dedisse concessisse et hac presenti carta confirmasse ecclesiam de Deveth cum omnibus justis pertinentiis suis ecclesie Sancte Trinitatis de Spyny fabrice ejusdem ecclesie Quare volumus ut predicta ecclesia Sancte Trinitatis ad usus fabrice sue habeat perpetue ad puram et perpetuam elemosinam predictam ecclesiam cum omnibus ad eam juste pertinentibus in terris et decimis et obventionibus et omnibus rectitudinibus ecclesiasticis salva tenura Roberti persone de Deveth in tota vita sua qui de eadem ecclesia solvet annuatim ecclesie Sancte Trinitatis de Spyny nomine pensionis dimidiam libram thuris vel vi denarios ad pentecosten et salvis nobis et successoribus nostris episcopalibus Testibus magistro Gylberto archidiacono magistro Henrico Hugone de Duglas Alexandro et Henrico fratribus nostris Willelmo de Colbaynston Thome et Mauricio capellanis nostris Roberto clerico Stephano de Edynham et Willelmo fratre ejus Huttyngo marescallo nostro Rogero dispensatore Warino et Gamelo Norensi servientibus nostris