Charter Document - 07410052
| Charter Number: | 07410052 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1221 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus terre sue clericis et laicis salutem Sciant presentes et futuri me concessisse et hac presenti carta confirmasse amicabilem compositionem factam inter Bricium Moraviensem episcopum et Johannem Byset super controversia que inter eos mota fuit de advocationibus ecclesiarum de Coneway et de Dulbatalach et de decimis redituum que mihi debebantur de terris infra parochias predictarum ecclesiarum constitutis antequam predicte terre eidem Johanni essent donate et concesse Quare volo ut predicta amica bilis compositio inter eos inde facta cum collatione septem acrum terre quas idem Johannes predicte ecclesie de Dulbatalach dedit in puram et perpetuam elemosynam ita firmiter et inviolabiliter teneatur sicut cyrographum inter eos inde confectum juste testatur salvo servitio meo Testibus Malcolmo comite de Fyf Willelmo Cumyn comite de Buchan Adam capellano meo Johanne de Macuswell Thome Hostiario Thome de Strivelin et Adam de Prebenda clericis Johanne de Haya Johanne de Vallibus Datum apud Elgyn xv die Octobris MCC vicesimo primo