Charter Document - 07410051

Noverint omnes hoc scriptum visuri vel audituri quod cum controversia esset inter dominum Bricium Moraviensem episcopum et Johannem Byseth super advocatione ecclesiarum de Cunewy et de Dulbathlach et de decimis redituum que domino Regi debebantur domino Regi debebantur et de terris infra parochias dictarum ecclesiarum constitutis antequam predicte terre eidem Johanni in feodo essent donate et concesse sub hac forma per amicabilem compositionem est sopita scilicet quod predictus Johannes Byseth quietum clamavit pro se et heredibus suis inperpetuum Deo et episcopatui Moravie et domino Bricio Moraviensi episcopo et successoribus suis advocationem ecclesie de Dulbathlach cum omnibus ad eam pertinentibus scilicet cum omnibus decimis oblationibus obventionibus et rectitudinibus ecclesiasticis provenientibus de ix dauachis ad eandem ecclesiam de Dulbathlach jure parochiali pertinentibus et episcopali auctoritate assignatis inperpetuum scilicet dauache de Fyngaffy Morevayn Lusnecorn Monychoc et altera Monychoc et tribus dauachis de Ferc Predictus vero Moraviensis episcopus pro se et successoribus suis quietam clamavit predicto Johanni et heredibus suis inperpetuum advocationem ecclesie de Conewy ad quam assignate sunt per dyoecesani episcopi auctoritatem jure parochiali pertinentes xi dauache scilicet Gulfackyn Buntach Herkele Herkele Cumber Coneway scilicet due dauache Brutach Muy et altera Muy Dunyn et Fothenes cum omnibus pertinentiis suis in decimis oblationibus et rectitudinibus ecclesiasticis de dictis terris provenientibus Quietum etiam clamavit dictus Episcopus pro se et successoribus suis inperpetuum totum clameum suum de decimis redituum predictorum que domino Regi debebantur et retentionem earundem decimarum per eundem Johannem per annos plures retentis sibi et successoribus suis xx solidis annuis nomine decime de x libris annuis quas idem Johannes solvit annuatim domino Regi de terris quas habet ad firmam de domino Rege infra parochias dictarum terrarum Decime autem piscarium omnium infra parochias predictarum ecclesiarum contingentes et decime tocius multure de predictis xx dauachis provenientes equaliter divise et fideliter solventur ita quod medietas dictarum decimarum scilicet tam piscarium quam multure sine diminutione et cum omni integritate solvetur ecclesie de Dulbathlach et altera medietas similiter ecclesie de Cunewy Predictus autem Johannes Byseth pro anima patris sui et pro salute sua et matris sue et parentum suorum et posteritatis sue salute et animabus contulit et concessit in puram et perpetuam elemosinam ecclesie de Dulbatalach septem acras terre in loco competenti et propinquo ecclesie parochiane de Dulbathlach cum fuerit translata ad Fingassy ad locum qui dicitur Wardelaue Scotice Balcabrac Convenit autem inter predictos Episcopum et Johannem Byseth quod Johannes Byseth hanc compositionem faciet confirmari per cartam domini Regis et dominus Episcopus predictus per concessionem et cartam capituli ecclesie Sancte Trinitatis de Elgyn eandem faciet confirmari Testibus magistro Gilberto archidiacono Moravie Andree cancellario magistro Edwardo Roberto canonicis ecclesie Sancte Trinitatis de Spyni Willelmo Stephani Roberto capellanis Arnulpho Byseth Archebaldo Hugone Corbeth militibus Willelmo Byseth Gylletalargyn et aliis