Charter Document - 07410050
| Charter Number: | 07410050 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1204 - 1222 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis Malcolmus comes de Fif salutem Sciant presentes et futuri me dedisse et concessisse et hac presenti carta mea confirmasse Deo et episcopatui Moraviensi ecclesiam beati Petri de Inuerhouen cum una dauacha terre ad eam juste pertinente in Inuerhouen quam Bricius tenuit et cum omni parochia tocius Strathouen cum decimis et oblationibus et omnibus aliis justis pertinentiis in liberam puram et perpetuam elemosinam pro salute anime mee et animarum omnium antecessorum et successorum meorum Quare volo quod Bricius Moraviensis episcopus et successores sui et episcopatus Moraviensis predictam ecclesiam de Inuerhouen cum predicta dauacha terre et cum omnibus aliis justis pertinentiis suis ita libere quiete plenaria et honorifice in perpetuam teneant elemosinam et possideant sicut aliquam aliam ecclesiam in episcopatu Moraviensi liberius quietius plenius et honorificentius tenent et possident Salvo servitio domini Regis pro predicta dauacha si quid servitium inde habere debeat Testibus Duncano et David fratribus meis Thome de Kenmaron Willelmo de Vyuilla Malcolmo de Malavilla Marco de Mortimer Waltero capellano Willelmo filio Duncani Malotheny Maccadethy Willelmo de Aton Elyfaunt macgyllebride Alexandro de Blar Henrico de Abyrnythy et multis aliis