Charter Document - 07410046

Bricius Dei gratia Moraviensis episcopus universis Sancte Matris Ecclesie filiis tam futuris quam presentibus eternam in Domino salutem Cum a multis et ab antiquis retroactis temporibus usque ad nostre administrationis tempus in episcopatu Moraviensi predecessores nostri Moravienses episcopi certum et stabilem cathedralis sedis locum in nulla tenuere ecclesia sed quilibet eorum pro libitu et voluntate sua in una trium ecclesiarum scilicet Brennath et de Spyny et de Kenedor sedem sibi adaptaverunt episcopalem Nos maxime ad subditorum tam utilitatem quam necessitatem habentes respectum qui sepius ad ecclesiam cathedralem ut ad matrem recurrere plurimis tenentur ex causis locorum difficultati viarum asperitati temporum mutabilitati cleri Moraviensis ecclesie et plurimorum virorum prudentum communicato consilio quoad melius potuimus occurrentes reverendissimo et sanctissimo domino nostro et patri Pape Innocentio humiliter supplicavimus et devote quatinus ecclesiam Sancte Trinitatis de Spyny quam et plurimi predecessorum nostrorum cathedralem tenuerunt et in ea ut in cathedrali ecclesia sua installati fuerunt cathedralem de cetero omnibus post futuris temporibus fore sedem episcopis Moraviensibus inperpetuum decerneret Qui de consueta apostolice sedis clementia precibus nostre humilitatis inclinatus viris venerabilibus Sancti Andree et de Brechyn Episcopis et Abbati de Lundoris precipiendo mandavit quatinus inquisita super hiis diligentius veritate si absque juris prejudicio alieni et in ampliationem divini cultus illud invenerint posse fieri prefatam ecclesiam cathedralis honoris titulo decorarent Prefati igitur viri venerabiles apostolica auctoritate mandati vocatis quos propter hoc evocandos viderunt inquisita super hoc diligentius veritate cum eis plenissime constaret quod absque juris prejudicio alieni et in ampliationem cultus divini illud fieri posset prefatam ecclesiam Sancte Trinitatis de Spyny cathedralem decoraverunt auctoritate domini Pape eam omnibus in posterum futuris temporibus Moraviensibus episcopis statuentes et confirmantes cathedralem Ad honorem igitur et reverentiam Sancte et individue Trinitatis et gloriosissime Dei genetricis semperque virginis Marie et ad divini cultus ampliationem ut in predicta cathedrali ecclesia divinum obsequium omnibus temporibus divine majestati acceptabilius decentius honestius et regularius absque defectu celebretur octo canonicas sepe memorate cathedrali ecclesie Sancte Trinitatis de Spyny in liberam puram et perpetuam elemosinam assignavimus quas canonicas cum omnibus ad eas juste pertinentibus ita prorsus liberas statuimus et immunes in omnibus sicut canonice majoris ecclesie cathedralis Lincolniensis libere esse noscuntur et immunes Sunt autem iste canonice Prima canonia Decanatum assignata ecclesia de Eryn cum capella de Inuernarren et cum omnibus aliis justis pertinentiis suis Secunda canonica Cantarie assignata ecclesia de Lamnabride cum una dauacha terre et ecclesia de Aluays et ecclesia de Rothefd cum omnibus justis earundem pertinentiis Tertia canonica Thesaurarie assignata ecclesia de Kennedor et ecclesia de Efkyl cum omnibus justis earundem pertinentiis Quarta canonica Cancellarie assignata Fortherues per suas rectas divisas et cum omnibus justis pertinentiis suis Lythenes per suas rectas divisas cum omnibus justis pertinentiis suis et Lunyn et Duldauy per suas rectas divisas cum omnibus justis pertinentiis suis salva tenura Willelmi filii Willelmi filii Freskyny et heredum suorum in predictis terris scilicet Lunyn et Duldauy item terra de Logyn juxta Duffus per suas rectas divisas cum justis pertinentiis suis salva tenura Hugonis filii Willelmi filii Freskyny et heredum suorum inperpetuum et salva una petra cere que de predicta terra annuatim solvitur quam perpetuo assignavimus ad luminaria invenienda ad missam de gloriosa dei genetrice semperque virgine Maria festive singulis diebus in sepe dicta ecclesia Sancte Trinitatis de Spyny decantandam Quinta canonica ecclesia Sancti Petri de Strathouen cum capellis suis et una dauacha terre et cum aliis justis pertinentiis suis et ecclesia de Hurchard ultra Inuernys cum omnibus justis pertinentiis suis Sexta canonica de Forays et ecclesia de Logyn Fythenach cum omnibus justis earum pertinentiis hanc autem canonicam archidiaconatum nostro assignavimus inperpetuum statuentes ut quicunque archidiaconus fuerit qui predictam ecclesiam optinuerit de tuendis et conservandis libertatibus et immunitatibus ecclesie Sancte Trinitatis de Spyny et capituli ejusdem ecclesie corporale teneatur prestare sacramentum quod si subire recusaverit et prestito contraire presumpserit post fecundam et tertiam commonitionem per decanum vel ejus vices gerentem canonica supradicta et fructibus ejus si commonitus adquiescere noluerit eundem archidiaconum privandum esse decernimus proventibus omnimodis canonice supradicte in communes usus canonicorum ecclesie Sancte Trinitatis de Spyny convertendis donec in capitulo eorundem canonicorum super excessu suo satisfecerit competenter Sic etiam volumus et ordinamus et statuimus ut de omnibus aliis et singulis canonicis observetur In vestietur autem archidiaconus et insta labitur in predicta canonia sicut simplex canonicus in ecclesia Lincolniensi et ratione canonice supradicte decano et capitulo erit obnoxius in omnibus tanquam simplex canonicus ecclesie Lincolniensis majori decano et capitulo obnoxius esse tenetur Septima canonia ecclesia de Spyny cum omnibus justis pertinentiis suis Octava canonica ecclesie de Rothuan et ecclesia de Duppol cum omnibus earum justis pertinentiis Quilibet predictorum canonicorum habens aliquam predictarum canonicarum omni tempore unum sacerdotem in ipsa ecclesia de Spyny pro se vicarium habebit qui in eadem ecclesia ministrabit sive canonicus cujus vicarius est presens sit sive absens nisi canonicus ipse in propria persona officio sacerdotali ministrans residentiam in predicta ecclesia facere elegerit ut omnibus inperpetuum temporibus octo sacerdotes in prenominata cathedrali ecclesia vice predictorum octo canonicorum inveniantur ad honorem laudem et gloriam Sancte Trinitatis et gloriosissime Virginis Marie tam residentes quam ministrantes de quibus tres qualibet ebdomada ebdomadarios esse ad missas cotidie cum cantu et nota dicendas constituimus Primam missam mane omni die de gloriosissima Dei genetrice semperque virgine Maria festive cum cantu dicendam esse statuimus Secundam que dicitur missa capitalis sive matutina lis pro defunctis vel aliter secundum quod tempus exegerit ad libitum cum cantu vel sine cantu Tertiam que dicitur major missa sive missa de die circa horam diei tertiam vel aliam canonicam solempniter cum cantu celebrari volumus Quilibet vero aliorum quinque sacerdotum omni die nisi rationabili causa fuerit excusatus missam pro defunctis celebrare tenebitur Omnes autem simul omnibus horis divinisque officiis tam nocte quam die celebrandis communiter adesse et interesse stabilimus nisi ex manifesta et rationabili causa aliquem aliquando ad horam abesse contigerit per majoris decani licentiam vel illius qui vices decani adimplere dinoscitur Omnibus igitur predicte cathedralis ecclesie Sancte Trinitatis de Spyny sua jura servantibus per omnipotentis Dei misericordiam et gratam beatissime matris ejus perpetue virginis Marie intercessionem sit pax ejusdem Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Amen Ut autem hec nostre constitutionis pagina tam presentibus quam futuris fiat cognita et omnibus in posterum temporibus permaneat stabilis et inconcussa eam sigilli nostri appositione et episcopali auctoritate duximus roborandam Recapitulantes et firmiter statuentes quod decanus et canonici predicte matricis et cathedralis ecclesie de Spyny ratione decanatus et canonicarum suarum eisdem gaudeant libertatibus et immunitatibus et preeminentiis in ecclesia cathedrali et canonicis suis et extra quibus decanus et canonici Lincolnienses in ecclesia Lincolniensi et canonicis suis gaudere noscuntur ratione decanatus et canonicarum suarum Ego Bricius Moraviensis episcopus subscribo Ego Radulphus abbas de Kinlos subscribo Ego Ricardus prior de Hurchard subscribo Ego Gilbertus abbas de Abyrbroth subscribo cum communi consilio conventus Ego Ricardus abbas de Kelcou subscribo cum communi consilio conventus Ego W persona de Eddendu subscribo Ego Johannes persona de Artydol subscribo Ego Gregorius vicarius de Altre subscribo Ego Andreas vicarius de Kinguffy subscribo Ego Malcolmus vicarius de Keth subscribo Ego Ran vicarius de Buchtrethyn subscribo Ego Robertus vicarius de Dufphus subscribo Ego Gylmakal vicarius de Fotherues subscribo Ego Macbeth vicarius de Dulergus subscribo Ego Patricius persona de Abyrnythy subscribo Ego Gillebride persona de Abirtarf subscribo Ego Gonganus persona de Kyncardin subscribo Ego Gilbertus archidiaconus Moraviensis subscribo Ego Alexander persona de Elgyn subscribo Ego Andreas rector ecclesie Sancti Petri de Dufphus subscribo Ego Walterus vicarius Sancti Columbe de Petyn subscribo Ego Lambertus persona de Forais subscribo Ego Stephanus persona de Glas subscribo Ego persona de Dunbatlach subscribo Ego Symon persona de Dolays subscribo Ego Hugo persona de Rothuan Ego Ricardus persona de Rotheys subscribo