Charter Document - 07410043
| Charter Number: | 07410043 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1187 - 1203 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis ad quos iste litere pervenerint Ricardus Dei gratia Moraviensis episcopus salutem Noverit universitas vestra nos dedisse et concessisse Andree presbytero de Brechyn ecclesiam de Inuerhouen in liberam et puram elemosinam cum omnibus suis justis pertinentiis et eum in eadem ecclesia pontificali auctoritate personaliter instituisse Quare volumus ut prefatus Andreas teneat memoratam ecclesiam adeo plenaria quiete et honorifice sicut aliquis alius clericus in toto episcopatu nostro aliquam ecclesiam ex nostra donatione liberius plenius et honorificentius tenet et possidet Salvis in omnibus episcopalibus rectitudinibus et consuetudinibus Ut autem hec nostra donatio et concessio firma constet in posterum eam presentis scripti patrocinio communimus et sigilli nostri appositione roboravimus Testibus Gillecryst comite de Marr magistro Roberto archidiacono Macbeth Macferkar Lamberto Macbeth Macferkar Lamberto Galfrido capellanis Hugone Henrico Ricardo clericis Episcopi Bricio decano et multis aliis