Charter Document - 07410041
| Charter Number: | 07410041 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 |
| Date type: | Internal, A.D., Calendar |
| Resource Link(s): |
People of Medieval Scotland |
Charter:
Omnibus Christi fidelibus ad quos presens scriptum pervenerit Andreas permissione divina Moraviensis episcopus eternam in Domino salutem Noveritis universi nos divine pietatis intuitu et pro cultus divine ampliatione de consensu cleri nostri dedisse et concessisse et hac presenti carta nostra confirmasse ecclesie Sancte Trinitatis de Elgyn et canonicis ibidem Deo servientibus et servituris in puram et perpetuam elemosinam ad communem predictorum canonicorum ecclesiam de Ferneway cum omnibus pertinentiis suis ecclesiam de Abirihacyn cum omnibus pertinentiis suis excepta una dimidia dauacha terre pertinente ad mensam nostram et successorum nostrorum ecclesiam de Logynkenny cum omnibus pertinentiis suis excepta una dauacha terre pertinente ad mensam nostram et successorum nostrorum ecclesiam de Kyncardyn in Strathspe cum omnibus pertinentiis suis excepta una dimidia dauacha terre nobis et successoribus nostris inperpetuum ad mensam episcopalem pertinente ecclesiam de Abyrnithy cum omnibus pertinentiis suis salva nobis et successoribus nostris una dimidia dauacha terre ad mensam episcopalem pertinente ecclesiam de Altre cum omnibus justis pertinentiis suis salva nobis et successoribus nostris inperpetuum una dimidia dauacha ad mensam episcopalem pertinente ecclesiam de Ewayn exceptis terris infra parochiam ejusdem ecclesie ad mensam episcopalem pertinentibus ecclesiam de Brenath cum suis pertinentiis ecclesiam de Artildol cum omnibus pertinentiis suis ex dono Willelmi de Moravia excepta capella de Bucharim cum suis pertinentiis et salva nobis et successoribus nostris inperpetuum una dimidia dauacha terre ad mensam episcopalem pertinente Has autem omnes ecclesias cum omnibus suis pertinentiis prout supra scriptum est damus concedimus et assignamus inperpetuum predictis ecclesie canonicis habendas cum fructibus earum et proventibus ad communem fratrum residentium tantum Salvis tenueris eorum in vita sua qui eas tempore confectionis hujus scripture jure perpetuo possidebant Retinentes nobis et successoribus nostris omnibus omnes terras suprascriptas inperpetuum per suas rectas divisas et cum omnibus pertinentiis suis exceptis toftis et croftis predictis ecclesiis assignatis vel assignandis Quare volumus ut predicta ecclesia et canonici Sancte Trinitatis que cathedralis ecclesia nostra est predictas ecclesias omnes et singulas prout superius plenius est descriptum et distinctum cum omnibus pertinentiis suis in puram et perpetuam elemosinam habeant et percipiant adeo libere quiete plenaria pacifice et honorifice sicut aliqua ecclesia in dyoecesi nostra liberius quietius et honorificentius ab aliquo habetur et possidetur Salva nobis et successoribus nostris jurisdictione canonica et episcopalibus Testibus Herberto abbate de Kynlos Willelmo priore de Hurchard Symone priore de Pluscardyn fratre Alano Waltero et Archembaldo et Andree capellanis nostris magistro Waltero de Crauford Henrico de Duglas et Matheo clericis nostris et aliis In premissorum vero firmum et indubitabile testimonium presentem paginam consensu et subscriptione predicti cleri nostri una cum appositione sigilli nostri fecimus communiri Actum anno gratie MCCXXXIX mense Decembri penultimo die ejusdem mensis