Charter Document - 07410040
| Charter Number: | 07410040 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1238 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos dedisse hac carta nostra confirmasse Andree episcopo Moraviensi concessisse et et successoribus suis episcopis Moraviensibus terram de Keldrumin in ballia de Inuernarin in liberam et perpetuam elemosinam cum libera curia sua et preterea viginti quatuor marcas singulis annis inperpetuum percipiendas inperpetuum per manus feodi firmariorum nostrorum de Moythas de feodi firma nostra ejusdem terre et preterea sex decem marcas per manus feodi firmariorum nostrorum de Dike et de Brothyn singulis annis percipiendas inperpetuum de feodi firmis predictarum terrarum nostrarum in excambium decimarum quas tempore hujus collationis Episcopus Moraviensis percipere consuevit de reditibus nostris in episcopatu Moraviensi videlicet in ballia de Inuernys de Ferneway de Drekec de foresto de Inuernys de Cullodyn et de Essy Item in ballia de Inuernaren de Abbircaledouer de Kyldrumyn de Geddeys de Urcheny de Rate de Lenedycothe de Balnecath de Aldheren et de Moythas Item in ballia de Fores de magna Kyncorth de parva Kyncorth de Dyke et de Brothyn de parva Kynteffoch de Mundol de Altyr de Balnefery de prepositura castelli de Vlerin de Byn et de Balnageth Item in ballia de Elgyn de Petendrech de prepositura castelli de burgo de Elgyn de Kyndelaneman de Dunkenedy de Rathenec de Molen de Fochobyr de Inuerathin de Alueys de Argayn et de Kyntray Quare volumus et concedimus ut dictus Andree Moraviensis episcopus et successores sui episcopi Moravienses habeant et teneant totam terram de Kyldrumyn sicut predictum est in liberam et perpetuam elemosinam per easdem rectas divisas per quas firmari nostri tempore hujus collationis eam de nobis tenuerunt et cum omnibus justis pertinentiis suis in bosco et plano in terris et aquis in pratis et pascuis in moris et mariscis in stagnis et molendinis cum socco et sacca cum furca et fossa cum tol et them et infanganthef et cum omnibus aliis ad predictam terram juste pertinentibus faciendo inde nobis forinsecum servitium quod pertinet ad predictam terram salva firmaris nostris tenura sua de dicta terra usque ad terminum suum completum et quod predicti feodi firmarii nostri de Moythas et de Dyke et de Brothyn predictas quadraginta marcas sine aliqua contradictione predicto Andree episcopo et successoribus suis episcopis Moravie solvant singulis annis inperpetuum ad terminos suos sibi statutos Testibus Waltero filio Alani senescalli justiciario Scotie Waltero Cumyn comite de Menethet Waltero Olifard justiciario Laodonie Bernardo Fraser Alano hostiario Waltero de Lyndesai Apud Roxeburch quarto die martii anno regni domini Regis vicesimo quarto