Charter Document - 07410038
| Charter Number: | 07410038 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1237 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos dedisse concessisse et hac presenti carta nostra confirmasse Andree episcopo Moraviensi et successoribus ejus episcopis Moravie terras nostras de Thulychen in Strathspe et de Rothuan in Stratheren in Moravia per rectas diuisas suas et cum omnibus justis pertinenciis suis in liberam puram et perpetuam elemosinam pro quieta clamatione xlviii solidorum quos dictus Episcopus annuatim percipere consuevit de terris nostris de Fernauan Thulyduuin magna Kentessoch et Kep quas terras monachis de Pluscardyn dedimus in escambium viginti quatuor librarum quas habebant in piscariis nostris de Fyndaryn et pro quieta clamatione decem solidorum et octo denariorum qui debebantur predictis episcopis singulis annis de redditu nostro de dicto Tuliken scilicet duarum marcarum Quare volumus et concedimus ut predictus Episcopus et successores sui episcopi Moravie habeant et possideant predictas terras de Thulechyn et de Rothuan per rectas divisas suas et cum omnibus justis pertinenciis suis in bosco et plano in terris et aquis in pratis et pascuis in moris et mariscis in stagnis et molendinis et omnibus aliis ad predictas terras juste pertinentibus Salva Gyllecrist Gartanach heremite tenura sua terre de Rothuan in vita sua adeo libere quiete plenaria et honorifice sicut aliqua elemosina in regno nostro liberius quietius plenius et honorificencius tenetur et possidetur Concedimus etiam predicto Andree episcopo Moraviensi et successoribus suis episcopis Moraviensibus ut in predictis terris liberam curiam suam habeant Testibus Waltero filio Alani senescallo justiciario Scocie Waltero Cumyn comite de Meneteth Waltero Olifard justiciario Laudonie Waltero Byseth Rogero Auenel David Marescallo Apud Edinburg octavo die Februarii anno regni nostri vicesimo tercio