Charter Document - 07410037
| Charter Number: | 07410037 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1236 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos dedisse concessisse et hac carta nostra confirmasse Andree episcopo Moraviensi et successoribus suis episcopis Moravie in liberam et perpetuam elemosinam tres dauachas de Fynlarg in Strathspe per easdem rectas divisas per quas easdem tres dauachas die hujus collationis in manu nostra tenuimus et cum omnibus justis pertinenciis suis in excambium nemoris quod appellatur Kawode et in excambium Logynfythenach de qua scilicet Logynfythenach idem Episcopus satisfaciet pro nobis et plenum grantum faciet Willelmo archidiacono Moraviensi et successoribus suis Predictus etiam Episcopus quietam clamavit pro se et successoribus suis decimam quam percipere solebat de cano de Stratharedoch Nos autem de gratia nostra dedimus et concessimus et hac presenti carta nostra confirmamus predicto Episcopo et successoribus suis episcopis in liberam puram et perpetuam elemosinam terram de Logynfythenach que est ex orientali parte de Fyndarn usque ad supercilium proximi cundoys sicut ille cundoys se extendit ex orientali parte predicte terre incipiens superius a dicta aqua et extendens se ad eandem aquam inferius ad sustentandum perpetuo ibidem quendam capellanum solitarium Deo serviturum cui et successoribus suis ibidem Deo servituris concedimus pasturam ad sex vaccas et octo boves in foresto nostro proximo ex orientali parte de Fyndarn scilicet inter viam regiam de Drumynd et Fyndarn et sicut predicta via regia extendit se usque ad semitam que vadit ad Scloy super Fyndarn et sicut predicta via regia extendit se usque ad diuisas de Mundol Ita tamen quod per quindecim dies ante nativitatem Sancti Johannis Baptiste et per quindecim dies post idem festum nec bovem nec vaccam habeant in dicto foresto nostro Concessimus etiam eisdem focale et meremium ad sibi necessaria Quare volumus et concedimus ut dictus Episcopus et successores sui episcopi habeant et teneant et possideant dictas tres dauachas de Fynlarg per easdem rectas diuisas sicut predictum est et cum omnibus justis pertinenciis suis in liberam et perpetuam elemosinam in bosco et plano in pratis et pascuis in moris mossis et mariscis in aquis et piscariis in lacubus et piscinis in stagnis et molendinis in montibus et vallibus in feris et avibus et omnibus aliis rectitudinibus et pertinenciis suis Salya tenura Gyllemahed Macgyllepatric in vita sua faciendo forinsecum servicium in exercitu quod pertinet ad dictas tres dauachas Ita tamen quod quieti sint de auxilio faciendo de eisdem tribus dauachis terre et in eadem terra liberam curiam suam habeant dictus Episcopus et successores sui inperpetuum Volumus etiam et concedimus ut idem Episcopus et successores sui habeant et teneant dictam terram de Logynfythenach in liberam puram et perpetuam elemosinam sicut predictum est ita quod de eadem terra nichil exigi possit ullo tempore preter solas orationes Testibus Patricio comite de Dunbarr comite de Fyf Waltero filio Alani senescallo justiciario Scotie Waltero Cumyn comite de Menethet Waltero Olifard justiciario Laudonie Alano hostiario Waltero de Petyn Ricardo de Moravia Apud Dissingtun in Norhumbria xi die Septembris anno domini Regis vicesimo secundo