Charter Document - 07410036
| Charter Number: | 07410036 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1235 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue salutem Sciant presentes et futuri nos pro salute anime nostre et antecessorum nostrorum dedisse concessisse et hac presenti carta nostra confirmasse ad sustentationem unius capellani pro anima Regis Duncani et animabus fidelium divina celebrantis in ecclesia cathedrali de Elgyn tres marcas singulis annis percipiendas de firma burgi nostri de Elgyn Quare volumus et firmiter precipimus ut illi qui pro tempore fuerint firmari burgi nostri de Elgyn habere faciant singulis annis dicto capellano tres marcas medietatem ad pentecosten et aliam medietatem ad festum Sancti Martini Testibus Willelmo episcopo Glasguensi cancellario Waltero Cumyn comite de Myneteth Johanne de Macuswel Waltero Byseth Eymero de Macuswel Apud castrum puellarum xxi die Aprilis anno regni domini Regis xxi