Charter Document - 07410035

Noverint omnes hoc scriptum visuri vel audituri quod cum inter Andream episcopum Moravie ex parte una et nobilem virum David de Strathbolgyn filium inclyte memorie Duncani comitis de Fif ex altera super limitibus terrarum que dicuntur ecclesiarum de Rynyn et de Dunbanan et de Drumdalgyn et de Rotheuan et de Butharryn et de quadam portione terre que appellatur Petnalurge orta esset gravis contentio de consilio et voluntate et consensu Decani et capituli ecclesie Sancte Trinitatis de Elgyn amicabili et finali compositione interposita ita convenit inter partes predictas Scilicet quod predictus David et heredes ipsius tenebunt ad feodo firmam perpetuo de predicto Episcopo et successoribus suis prenominatas terras que dicuntur ecclesiarum de Ryny et de Dunbanan et de Drumdalgyn et de Rotheuan et Butharry que pertinent ad mensam episcoporum Moraviensium per suas rectas diuisas et cum omnibus justis pertinenciis suis salvis advocationibus et jure patronatus predictarum ecclesiarum omnibus episcopis Moraviensibus inperpetuum Et reddent inde singulis annis predicto Episcopo Moravie et successoribus suis predictus David et heredes sui inperpetuum pro omni exactione et servitio seculari ad predictos episcopos pertinente septem libras et sex solidos et octo denarios sterlingorum legalium scilicet pro terra que dicitur ecclesie de Rynyn tres marcas annuas pro terra que dicitur ecclesie de Dunbanan duas marcas annuas pro terra que dicitur ecclesie de Drumdelgyn duas marcas annuas pro terra que dicitur ecclesie de Rotheuan duas marcas annuas pro terra que dicitur ecclesie de Butharrin duas marcas annuas medietatem scilicet ad pentecostem et aliam medietatem ad festum Sancti Martini in hyeme Predictus vero David pro se et heredibus suis quietam clamavit predicto Episcopo et successoribus suis inperpetuum totam terram de Petynalurge de qua terra erat contentio inter eos per suas rectas diuisas et cum omnibus justis pertinenciis suis inperpetuum habendam et possidendam a cas annuas rivo qui appellatur Helthach usque ad rivulum qui dicitur Aldnassauoch liberam et quietam ab omni exactione et servitio seculari prout melius et plenius predictus Episcopus predictam terram petiit et clamavit Hoc autem in predicta compositione deductum est quod quelibet prenominatarum ecclesiarum scilicet de Rynyn et de Dunbanan et de Drumdalgyn et de Rotheuan et de Butharin habebit juxta se et prope per visum proborum hominum croftum unius acre et toftum et ortum olerum competenter et ydoneo loco et competenti Quilibet vero sacerdos ministrans alicui ecclesiarum predictarum habebit sibi et suis communem pasturam per totam parochiam suam secundum quod est provisum et constitutum ab Episcopis regni Scoticani in concilio eorundem Hoc etiam est in compositione predicta deductum quod Willelmus persona de Edendyuy et Gyllemor vicarius de Butharry tenebunt terras de Drumdalgyn et de Rotheuan et de Butharry supra nominatas prout continetur in cartis eorum quas habent de predicto Episcopo et respondebunt dicto David de firmis earum et ipse David tantundem solvet episcopo Moraviensi qui pro tempore fuerit et non amplius de predictis terris ipsis dictas terras tenentibus Predicto vero Willelmo decedente vel cedente predictus David et heredes sui solvent predicto Episcopo Moraviensi et successoribus suis pro predicta terra de Drumdelgyn duas marcas annuas sicut superius dictum est Predictus vero David obligavit se et heredes suos inperpetuum per juramentum et hanc solemnem scripturam ad predictam compositionem fideliter et firmiter et plenius observandam sub pena quadraginta librarum sterlingorum legalium solvenda predicto Episcopo et successoribus suis a predicto David et heredibus suis quotiens in aliquo contra eandem temere ventum fuerit ab illis vel aliquo illorum et renunciavit pro se et heredibus suis omni exceptioni appellationi occasioni et contradictioni et omni juris remedio tam civilis quam ecclesiastici et constitutioni de duabus dictis et remedio episcopali divi Adriani Predictus vero Episcopus sub eadem forma per promissionem in verbo Dei factam et per istam solemnem scripturam se et successores suos obligandos decrevit quantum ad ipsum pertinet ad supradictorum observationem fidelem et firmam et plenam in omnibus sub pena supradicta et renunciatione consimili per omnia In premissorum autem firmum et indubitabile testimonium alteri parti hujus scripture in modum chyrographi confecte que residebit penes dictum David apposita sunt sigilla predictorum Episcopi et capituli cum subscriptionibus canonicorum alteri vero parti que erit in thefauris ecclesie Sancte Trinitatis de Elgyn sunt sigilla Abbatis de Kynlos Prioris de Hurchard cum sigillo David Testibus Domino Herbertus abbate de Kynlos Thome priore de Hurchard Domino Waltero de Duffus Domino Waltero de Petyn militibus Waltero de Inneys Alexandro vicecomite de Elgyn Murin decano de Strathbolgyn Willelmo persona de Edindyuy Johanne persona de Glas Reginaldo vicario de Abirkerdour Muryno senescallo de Strathbolgyn Adam clerico predicti domini David Actum anno gratie MCCXXXII vi Idus Octobris