Charter Document - 07410034

Alexander Dei gratia Rex Scottorum omnibus probis hominibus tocius terre sue clericis et laycis salutem Sciant presentes et futuri nos concessisse et hac carta nostra confirmasse Andree episcopo Moraviensi et successoribus suis episcopis Moraviensibus totam terram prepositure nostre de Kynmyly ad feodam firmam inperpetuum tenendam eidem Episcopo et successoribus suis episcopis Moravie per rectas divisas suas et cum omnibus justis pertinencis suis excepta terra de Marchinch quam dedimus burgensibus nostris de Inuernys et exceptis omnibus toftis et terris que date fuerunt die hujus concessionis baronibus vel militibus vel aliis probis hominibus terre nostre infra divisas predicte prepositure de Kynmyly et exceptis omnibus piscariis nostris preter unam que die hujus concessionis posita fuit ad firmam pro dimidia marca quam quidem piscarii firmarii vel thayni nostri dicte prepositure habere consueverunt Ita tamen quod burgenses nostri de Inuernys et homines manentes in toftis et terris baronum militum et aliorum proborum hominum nostrorum qui feodati sunt infra divisas predicte prepositure de Kynmyli habeant aysiamenta pasture que habere consueverunt in eadem prepositura Reddendo nobis et heredibus nostris annuatim decem libras medietatem scilicet ad pentecostem et aliam medietatem ad festum Sancti Martini in hyeme et faciendo forinsecum servicium in auxiliis et exercitibus et aliis que ad predictam terram de Kynmyli pertinent Quare volumus ut predictus Andree episcopus Moraviensis et successores sui episcopi Moravie dictam terram prepositure de Kynmyly teneant inperpetuum ita libere et quiete sicut predictum est Salvis nobis omnibus placitis et querelis que de dicta terra prepositure de Kynmyly et hominibus in eadem manentibus potuerint emergere preter ea que ad thaynum pertinent Ita etiam quod homines manentes in dicta terra prepositure de Kynmyli sequantur molendinum nostrum de Inuernys Ipse vero Episcopus et successores sui episcopi Moravie quieti erunt de multura danda ad molendina nostra de domo sua propria de Kynmyly Ita etiam quod liceat eisdem episcopis Moravie bladum quod expendent in propria domo sua de Kynmyly ad aliud molendinum molere si voluerint Concessimus etiam eidem Episcopo et successoribus suis episcopis Moravie ut de predictis decem libris penes se retineant singulis annis quatuor marcas pro decimis que eos contingunt de molendinis de Elgyn et decem solidos qui eos contingunt de terris de Munben et de Kelleys et sex decem solidos qui eos contingunt de decima molendinorum de Dulpotyn et viginti solidos qui eos contingunt de terra de Loueth que est Johannis Byseth et viginti duos solidos et octo denarios qui contingunt archidiaconum Moraviensem pro decima molendinorum constitutorum infra parochiam de Forays de quibus quidem viginti duobus solidis et octo denariis dicti episcopi Moravie erga dominum archidiaconum Moraviensem nos acquietabant Testibus Willelmo de Bondington cancellario Waltero filio Alani senescallo justiciario Scocie David filio comitis Duncani Johanne de Vallibus Waltero Byseth Colino hostiario Apud Inuerculan v die Octobris Anno regni nostri octavo decimo