Charter Document - 07410033
| Charter Number: | 07410033 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1229 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri quod cum esset controversia inter Andream episcopum Moraviensem ex parte una et nobilem virum Walterum de Moravia filium quondam Willelmi de Moravia ex alia super terris et pasturis infra feodum predicti Walteri constitutis predictus et de Cornekynermuneth Episcopus de consilio et consensu Decani et capituli sui pro bono pacis et ut posteris temporibus nulla fiat discordia super predictis inter ipsum et successores suos ex una parte et predictum Walterum et heredes suos ex altera dedit predicto Waltero ad firmam terras suas de quibus erat con tentio scilicet de Butruthyn et de Agynway et de Artildul et de Abirlouer habendas et tenendas ad firmam perpetuam predicto Waltero et heredibus suis de predicto Episcopo et successoribus suis per rectas earundem terrarum divisas et cum omnibus justis pertinenciis suis reddendo inde predicto Episcopo et successoribus suis singulis annis v marcas sterlingorum legalium pro omni servicio et consuetudine et demanda ad predictum Episcopum vel successores suos pertinentibus medietatem scilicet ad festum penthecostes et aliam medietatem ad festum Sancti Martini in hyeme et faciendo forinsecum servicium domini Regis ad predictas terras pertinens In horum autem firmum et indubitabile testimonium ei parti hujus scripture in modum chyrographi confecte que remanet penes predictum Walterum et heredes suos appensa sunt sigilla predictorum Episcopi et capituli sui cum subscriptionibus eorundem illi vero parti que penes predictum Episcopum et successores suos est remansura appensa sunt sigilla predicti Walteri de Moravia et Walteri de Moravia filii quondam Hugonis de Moravia Testibus domino Hereberto abbate de Kynlos Thome priore de Urcard Symone priore de Kynlos Radulpho capellano predicti Episcopi Henrico vicario de Kenedor domino Waltero de Moravia filio quondam Hugonis de Moravia Willelmo de Moravia milite Alexandro vicecomite de Elgyn Augustino de Elgyn Andree Wysman Symone de Garentuly Sumerleto de Bucharm et aliis Actum anno gratie MCCXXIX mense Aprilis in die Sancti Marci euangeliste