Charter Document - 07410031

Noverint universi hoc scriptum visuri vel audituri quod cum Andreas episcopus Moraviensis convenisset et trahere in causam proposuisset Walterum de Moravia filium quondam Willelmi de Moravia super terris de Ardtrillen et Lunnin et Duldaui et Croyn quas idem Willelmus detinebat et jure hereditario ad se pertinere dicebat et super advocatione ecclesiarum de Croyn Abirlouer Buthrothyn et de Arteldol et super decima cani domini Regis quod idem Rex solebat recipere de Bracholy Bucharem Abirlouer et Kyneremoneh Ita convenit inter eos amicabiliter consentiente et consulente capitulo Moraviensis ecclesie scilicet quod predictus Episcopus quietas clamavit pro se et successoribus suis predicto Waltero et heredibus suis inperpetuum decimas cani predicti et advocationes ecclesiarum de Abirlouer et de Buttruthin in quibus constabat plures predecessorum predicti Walteri usque ad tempora presentia jus presentandi habuisse Compositionem autem factam inter venerabilem patrem bone memorie dominum Bricium episcopum Moravie et patrem predicti Walteri super predictis ecclesiis et ecclesia de Artyldol ratam et firmam et stabilem decreverunt habendam et ordinationem prebende factam tempore predicti Andree episcopi de omnibus decimis garbarum provenientium infra paro chias de Abirlouer et de Butruthyn inperpetuum in canonicam assignatis decreverunt predictus Andreas et capitulum ejus juxta formam instrumen torum super hiis confectorum plenissime in omnibus observandam Concesserunt autem idem Episcopus et capitulum ejus eidem Waltero et heredibus suis totam terram de Artendol tenendam juxta formam instrumentorum suorum super hiis ab Episcopis Moravie obtentorum quam predecessores ipsius quiete tenuerunt temporibus trium Episcoporum venerabilis memorie scilicet Symonis Ricardi et Bricii per annos quadraginta et amplius Predictus vero Walterus terram de Lunyn et Duldauy scilicet unam dauacham et dimidiam quam in feodo et hereditate tenere debebat reddendo inde annuatim xx solidos recepit ad firmam perpetuam concessam sibi et heredibus suis a predicto Andree Moraviensi episcopo de consensu predicti capituli sui tenendam inperpetuum de Episcopis Moravie in feodo et hereditate reddendo inde singulis annis eisdem centum solidos scilicet quinquaginta solidos ad festum Sancti Martini et alios quinquaginta solidos ad pentecosten pro omni servitio ad predictum Episcopum vel successores suos pertinente Salva predicto Episcopo et successoribus suis advocatione ecclesie de Lunnyn et salvo forinseco servicio domini Regis ad predictam terram pertinente quod ipse Walterus et heredes sui facient inperpetuum Si autem per guerram contigerit predictas terras de Lunnyn et de Duldauy ita destrui vel turbari quod predicta firma inde solvi non possit durante statu illo juxta arbitrium boni viri vel ex toto predicta firma remittetur vel pro parte rationabili Predictus vero Walterus pro se et heredibus suis quietum clamavit inperpetuum Episcopis Moravie jus quod se dicebat habere in terra de Croyn cum advocatione ecclesie ejusdem loci salvo sibi et heredibus suis inperpetuum jure patronatus ecclesie de Bracholi Convenit etiam ut instrumenta omnia que predictus Walterus habuerat de terris predictis et ecclesia de Lunnyn et Duldauy et Croyn et ecclesia ejusdem loci reddantur et inania reputentur et cassa et omnino nulla In premissorum vero firmum et indubitabile testimonium ei parti hujus scripture in modum chyrographi confecte que penes ecclesiam Moraviensem habetur appensa sunt sigilla domini Regis et predicti Walteri et Walteri de Moravia filii quondam Hugonis de Moravia illi vero parti quam recipiet predictus Walterus appensa sunt sigilla predictorum Episcopi et capituli cum subscriptionibus canonicorum Testibus Herberto abbate de Kynlos Thome priore de Urchard Willelmo decano de Strathbolgy Roberto decano de Inuernys Gregorio decano de Strathspe Radulpho capellano predicti Episcopi Archebaldo de Dusphus milite Alexandro vicecomite de Elgyn Henrici de Duglas fratre ejus Augustino de Elgyn Waltero de Ineys Roberto Hod Willelmo Wysman Andree Wysman Willelmo fratre domini Ricardi episcopi Waltero de Salleltoch Archebaldo de Inuerlocthyn Symone et Andree clericis predicti domini Episcopi et aliis Actum anno gratie MCCXXVI nono die Octobris