Charter Document - 07410029
| Charter Number: | 07410029 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1226 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus tocius terre sue clericis et laycis salutem Sciant presentes et futuri me dedisse et concessisse et hac carta mea confirmasse Deo et ecclesie Moraviensi et Andree episcopo Moravie et successoribus suis episcopis Moravie terram de Rathmorchus rectas divisas suas et cum justis pertinentiis suis in escambium terrarum quas dictus Andreas episcopus petiit in forestis nostris scilicet unam dauacham et dimidiam in foresta de Inuerculan apud Calruneleu et Belethyn et dimidiam dauacham in landa Morgund et quartam partem unius dauache in Pluscardyn et dimidiam dauacham in Terneway et in eadem foresta dimidiam dauacham ex altera parte aque de Fyndaryn ex opposito ecclesie de Logyn et xxx acras in Whytefeld apud Rath et quindecim acras apud Duldauy Salvis eidem Episcopo et successoribus ejus aliis terris et pasturis per rectas divisas suas quas ipse et predecessores sui juste habuerunt in forestis nostris ante istam donationem Tenendam predicto Andree episcopo et successoribus ejus ita libere et quiete sicut alii episcopi Scocie terras suas liberius et quietius tenent et possident Faciendo forinsecum servicium quod ad terram illam pertinet Concessimus etiam predicto Andree episcopo et successoribus suis predictam terram de Rathmorcus in forestam Quare prohibemus firmiter ne quis in eadem terra sine eorum licentia secet aut venetur super nostram plenarium foris facturam x libra Testibus comite Patricio comite Malcolmo de Fyffe Alano filio Rollandi constabulario Waltero filio Alani senescallo Waltero Olifard justiciario Laodonie Henrico de Bayllol camerario Ingeram de Bayllol vicecomite de Berewyke Johanne de Haya vicecomite de Perth Willelmo de Munfichet Apud Stryuelyn ultimo die Marcii anno regni nostri xii