Charter Document - 07410028

Noverint omnes hoc scriptum visuri vel audituri quod cum questio verteretur inter Andream Moraviensem episcopum ex parte una et Thomam de Thirlestan ex altera coram venerabilibus viris Abbate de Der Decano et Archidiacono Abyrdonensi judicibus a domino Papa delegatis super dimidia dauacha terre quam idem Episcopus ad ecclesiam de Abyrtarf afferebat pertinere et super decimis cani regij que ante infeodationem predicti Thome de terra de Abyrtarf solvi consueverunt Inter partes predictas convenit amicabiliter sub hac forma scilicet quod predictus Episcopus de consensu capituli sui concessit predictam terram que petebatur predicto Thome et heredibus suis tenendam in feodo et hereditate de se et successoribus suis omnibus inperpetuum salvo uno plenario tofto et crofto ecclesie de Abyrtarf et singulis rectoribus habendo inperpetuum in puram liberam et perpetuam elemosinam Predictus vero Thomas et heredes sui pro decimis predicti cani et pro predicta terra de qua controversia erat solvent singulis annis inperpetuum predicto episcopo et successoribus suis decem solidos sterlingorum legalium medietatem scilicet ad pentecosten et aliam medietatem ad festum Sancti Martini proximo sequens Ut autem hec compositio rata perpetuo atque inconcussa permaneat pars hujus scripture in modum chyrographi confecte penes Episcopum et ecclesiam Moraviensem residens sigillo predicti Thome et predictorum judicum delegatorum est munita reliqua vero pars penes dictum Thomam et heredes suos remansura sigillis predicti Episcopi et capituli sui et eorundem judicum est roborata Actum anno gratie MCCXXV Testibus Hugone archidiacono magistro Henrico thesaurario magistro Henrico thesaurario Adam sub decano magistro Edwardo magistro Willelmo Lambert succentore et Roberto canonicis Moraviensibus Alexandro vicecomite de Elgyn Willelmo Wysman et aliis multis