Charter Document - 07410027
| Charter Number: | 07410027 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1223 - 1242 |
| Date type: | Assigned |
| Resource Link(s): |
People of Medieval Scotland |
Charter:
Noverint omnes hoc scriptum visuri vel audituri quod cum esset controversia mota inter Andream episcopum Moravie ex una parte et Robertum Fyndoc ex altera super terram quam predictus Robertum habebat ex parte australi de Loscyn quam predictus episcopus dicebat pertinere ad terram suam de Tulibardyn et quam predictus Robertum dicebat pertinere ad terram suam de Kelleys quam quidem Kelleys tenebat tanquam feudi firmaris de Domo Dei de Elgyn et quam predictus Episcopus acceperat de predicta domo in escambium terre pertinentis ad ecclesiam de Munben salva tenura predicti Robertum et heredum suorum habenda sibi et heredibus suis et tenenda de predicto Episcopo et successoribus suis inperpetuum Ita convenit inter eos amicabiliter de consilio et consensu capituli scilicet quod predictus Robertum quietam clamavit pro se et heredibus suis predicto Episcopo et successoribus suis inperpetuum totam terram predictam quam petebat dictus Episcopus ex australi parte de Loffyn et preterea totam terram de Kelleys per rectas divisas suas et cum omnibus justis pertinentijs suis Dictus vero Episcopus pro hac quieta clamatione de consilio et consensu capituli sui dedit et concessit et per hanc scripturam publicam confirmavit predicto Robertum et heredibus suis inperpetuum illam dimidiam dauach terre quam tenuit de eo Archebaldus de Inuerlocthyn in feodo de Spyny cum omnibus justis pertinenciis suis et per easdem divisas per quas dictus Archebaldus eam tenuit scilicet a proximo cundos ex orientali parte pontis quem construxit idem Archebaldus supra Lossyn ex orientali parte de Sankathel usque Cransinleth Tenendam et habendam sibi et heredibus suis jure hereditario Reddendo inde singulis annis predicto Episcopo et successoribus suis dimidiam marcam Sterlingorum legalium medietatem scilicet ad pentecosten et aliam medietatem ad festum Sancti Martini in hyeme Et inveniendo singulis annis tantum ter carucatam suam et tantum ter herciam suam et ter carrum suum et semel in autumno sex homines bene metentes Et faciendo forinsecum servitium domini Regis pertinens ad predictam dimidiam dauacam terre Et sequendo molendinum dicti domini Episcopi et successorum suorum In premissorum autem testimonium illi parti hujus scripture in modum chyrographi confecte que remanet penes predictum Episcopum et successores suos una cum sigillo predicti Roberti appensa sunt sigilla Abbatis de Kynlos et Priorum Vallis Sancti Andree et priori de Hurchard alteri vero parti que remanet penes predictum Robertum una cum sigillo predicti Episcopi appositum est sigillum capituli cum subscriptionibus canonicorum Testibus []