Charter Document - 07410023
| Charter Number: | 07410023 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1203 - 1222 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filijs literas istas visuris vel audituris Willelmus filius Willelmi Freskyny salutem Noverit universitas vestra me dedisse concessisse et hac carta mea confirmasse Deo et ecclesie Sancte Trinitatis de Spyni et collegio canonicorum ibidem Deo servientium ecclesiam de Artendol cum omnibus ad eandem ecclesiam juste pertinentibus exceptis decimis bladi de duabus dauachis que sunt juxta castellum meum de Bucharm scilicet Bucharm et Adthelnachorth quarum omnes decime de blado auctoritate domini Bricio Moraviensis episcopi assignate sunt capelle mee de castello meo de Bucharm ad sustentationem capellani ejusdem capelle Quare volo et concedo ut prefata ecclesia et canonicorum collegium ibidem Deo serviens habeat predictam ecclesiam cum omnibus pertinentiis suis et rectitudinibus suis exceptis decimis bladi de predictis duabus dauachis in perpetuam et puram elemosinam in decimis oblationi bus et obventionibus omnimodis de vivis et mortuis tam de castello meo quam de meipso et familia mea in omnibus ad communitatem vicariorum in eadem ecclesia deo servientium Testibus Domino Bricio Moraviensi episcopo Hugone fratre meo Arkembaldo de Duseglas Freskyno Henrico decano Moraviensis ecclesie Andree de Moravia Alexandro Hugone magistro Henrico Roberto clerico Michaele pincerna canonicis de Spyny Thome capellano Stephano de Edenham