Charter Document - 07410021

Noverint omnes hoc scriptum visuri vel audituri controversiam inter dominum Bricium episcopum Moraviensem et Johannem Byseth exortam super advocationibus ecclesiarum de Coneway et Dulbatelauch et decimis redditum qui domino Regi debebantur de terris infra parochias predictarum ecclesiarum constitutis antequam predicte terre eidem Johanni in feodum essent donate et concesse sub hac forma per amicabilem compositionem fuisse sopitam Scilicet quod predictus Johannes Byseth quietum clamavit pro se et heredibus suis inperpetuum Deo et episcopatui Moraviensi et domino Bricio Moraviensi episcopo et successoribus suis advocationem ecclesie de Dulbatelauch cum omnibus ad eam pertinentibus scilicet cum omnibus decimis oblationibus obventionibus et rectitudinibus ecclesiasticis provenientibus de novem davachis ad eandem ecclesiam de Dulbatelach jure parochiali pertinentibus et episcopali auctoritate assignatis inperpetuum scilicet Dulbatelach Fyngasc Moreweyn Lusnacorn Munythoc et altera Munythoc et tribus dauachis de Ferge Predictus vero Moraviensis episcopus pro se et successoribus suis predicto Johanni Byseth et heredibus suis quietam clamavit inperpetuum advocationem ecclesie de Coneway ad quam assignate sunt per dyoecesani episcopi auctoritatem jure parochiali pertinentes undecim dauache scilicet Gulachkyn Buntach Herkele Cumber Coneway scilicet ii dauachis Brutach Muy et altera Muy Dunyn et Fothenes cum omnibus pertinenciis suis in decimis oblationibus et rectitudinibus ecclesiasticis de eisdem terris provenientibus Quietum etiam clamavit idem Episcopus pro se et successoribus suis predicto Johanni et heredibus suis inperpetuum totum clamium suum de decimis redditum predictorum qui domino Regi debebantur et retentionem earundem decimarum per eundem Johannem detentarum pluribus annis retentis sibi et successoribus suis viginti solidis annuis nomine decime de x libris quas idem Johannes solvit annuatim domino Regi de terris quas habet ad firmam de domino Rege infra parochias predictarum ecclesiarum Decime autem omnium piscarium infra parochias predictarum ecclesiarum contingentes et decime tocius multure de predictis viginti dauachis provenientis equaliter divise et fideliter solventur ita quod medietas decimarum predictarum scilicet tam piscarium quam multure sine diminutione cum omni integritate solvetur ecclesie de Dulbatelach et altera medietas similiter ecclesie de Coneway Predictus autem Johannes Byseth pro anima patris sui nec non et pro salute sua et matris sue et tocius posteritatis sue tam salute quam animabus contulit et concessit in puram et perpetuam elemosinam ecclesie de Dulbatelach septem acras terre in loco competenti et propinquo ecclesie parochiane de Dulbatelach cum fuerit translata ad Fingasc ad locum qui dicitur Wardelau Scotice Balabrach Convenit autem inter predictos Episcopum et Johannem Byseth quod sepe dictus Johannes hanc compositionem faciet confirmari per cartam domini Regis et dominus Episcopus predictus eandem faciet confirmari per concessionem et cartam capituli cathedralis ecclesie sue scilicet ecclesie Sancte Trinitatis de Spynyn Testibus magistro Gylberto archidiacono Moravie Andree cancellario magistro Henrico thesaurario magistro Edwardo Roberto canonicis ecclesie Sancte Trinitatis de Spynyn Roberto Willelmo Stephano capellanis Arnulpho Byseth Arkembaldo de Duffus Hugone Corbet Alexandro et Henrico de Duglas Willelmo Byfeth Stephano de Edenham Radulpho persona de Butruchen Willelmo senescallo Wadino Gamello Hutyngo marescallo et aliis