Charter Document - 07410018
| Charter Number: | 07410018 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1203 - 1207 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum episcopis abbatibus comitibus baronibus justiciariis vicecomitibus prepositis ministris et omnibus probis hominibus tocius terre sue tam clericis quam laicis salutem Sciant presentes et futuri me concessisse et hac presenti carta mea confirmasse Bricio episcopo Moravie episcopatum Moraviensem cum omnibus justis pertinentiis suis Tenendum sibi ita libere et quiete et honorifice sicut aliquis episcoporum meorum in regno meo episcopatum suum liberius et quiecius et honorificencius tenet et possidet et ita plenaria sicut aliquis antecessorum suorum episcoporum Moravie episcopatum illum plenius tenuit Preterea concessi de incremento episcopatui Moraviensi et predicto Bricio episcopo Moraviensi et successoribus suis episcopis pro salute anime mee et antecessorum meorum ecclesiam de Elgyn cum capellis et terris et decimis et obventionibus et omnibus aliis justis pertinenciis suis Salva tenura Walterus capellani mei in eadem ecclesia Et preterea ecclesiam de Eren cum capellis et omnibus aliis justis pertinenciis suis Tenendas in liberam et perpetuam elemosinam ita libere et quiete plenaria et honorifice sicut alios reditus episcopatus liberius quiecius plenius et honorificencius tenet Testibus Udardo abbate de Cupre Willelmo et Walterus capellanis meis Willelmo de Bosco Willelmo Cumyn justiciario Philippo de Mubrei Adam filio Gylberti Waltero Murthac Ricardo Reuel Apud Abyrbrocht xxiiij die Augusti