Charter Document - 07410017
| Charter Number: | 07410017 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1199 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum episcopis abbatibus comitibus baronibus justiciariis vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Deo et ecclesie Sancte Trinitatis de episcopatu Moraviensi et Ricardo episcopo et successoribus suis in liberam et perpetuam elemosinam pro animabus antecessorum meorum et salute anime mee decimam meam de reditibus meis de Moreuia et pro de placitis meis per totum episcopatum Moravie de reditibus meis scilicet de cano meo de vaccis et porcis et de frumento et braseo et prebenda et de caseo et de butiro quod antecessores mei non dederunt nec assignaverunt ad alias ecclesias Quare firmiter precipio ballivis meis de Moravia ut ipsi sine disturbatione faciant Ricardo episcopo et successoribus suis singulis annis plenaria et integre habere predictam decimam de reditibus meis sive redditus mei in denariis reddantur sive alio modo per quamcunque permutationem Testibus Willelmo electo Glasguensi cancellario meo Johanne electo de Aberdon Henrico abbate de Aberbrodoch Ricardo de Prebenda clerico meo comite Dunecano justiciario comite Gilleberto Philippo de Valoniis Willelmo Cumin Willelmo de Haia Malcolmo filio comitis Duncani Alano filio Rollandi Willelmo Gigsarth Willelmo de Vallibus Apud Forfar xxvi die Decembris