Charter Document - 07410016
| Charter Number: | 07410016 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1194 - 1200 |
| Date type: | Assigned |
| Resource Link(s): |
People of Medieval Scotland |
Charter:
Sciant presentes et futuri quod hec est conventio facta inter dominum Ricardus episcopum Moraviensem et Duncanum comitem de Fif scilicet quod predictus comes et heredes sui tenebunt de predicto episcopo terras suas quas habet in Strathouen dimidias dauachas in vita predicti episcopi Inueral dem Duninbride Letheni Michael Neuechincrist Tulachtarum Donenald Kyres Martin Fithelmore Abberbrandolthin Brenin Daskinnuchel cum omnibus rectis divisis suis reddendo annuatim predicto episcopo pro una quaque dimidia dauach duos solidos dimidietatem ad pentecostem et dimidietatem ad festum Sancti Martini Et preterea prefatus Comes et heredes sui tenebunt de predicto Episcopo in vita sua duas dimidias dauachas de Inuerouen post decessum Bricii persone reddendo annuatim iiij solidos ad terminos predictos Preterea predictus Comes et heredes sui tenebunt de predicto Episcopo in vita sua Adauin cum omnibus rectis divisis suis reddendo annuatim xl petras casei ad festum Sancti Martini Et episcopus abducet homines suos qui presentes fuerunt in die conventionis in terra illa quocunque voluerit Alios vero homines qui naturales sunt ad terras predictas quos episcopus non diracionavit adquiret predictus Comes consilio et auxilio Episcopi ad prefatas terras inhabitandas Et predictus Comes et heredes sui tenebunt plenam curiam de domino Episcopo in predictis terris et forinsecum servitium domini Regis de terris illis plenaria facient Testibus Henrico abbate de Abberbrodoch Rainbaldus abbate de Scona Arnaldo abbate de Cupre Wice abbate de Lundors Gervase Auenel Willelmo Cumin Willelmo de Haia Hugone de Moravia Willelmo de Rameseia Adam de Syreis Lamberto capellano Henrici fratre Episcopi Nesso de Rameseia Willelmo filio Duncani