Charter Document - 07410013
| Charter Number: | 07410013 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1195 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum episcopis abbatibus comitibus baronibus justiciariis vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me dedisse concessisse et hac presenti carta mea confirmasse Ricardo episcopo Moravie ut firmet molendinum suum super terram meam de supra crohas que sunt super Loscyn subtus castellum de Elgin Concessi etiam et hac mea carta confirmavi eidem Ricardo episcopo et successoribus ejus inperpetuum ut de toto bosco suo in Moravia quod habet in foresto meo circa Elgyn et Forays et Inuernys ipsi et homines eorum habeant aysiamentum de materie et focali sine aliqua vexatione vel molestia ad proprios usus suos ita quod nulli vicinorum suorum liceat aliquid inde nisi cum capere licentia eorum nec etiam liceat alicui forestariorum meorum de predicto bosco aliquid dare vel vendere sine eorum voluntate Salvo tamen aysiamento burgensium meorum de Elgyn et de Forays et de Inuernys sicut habere solebant tempore Regis David avi mei aut tempore Regis Malcolmi fratris mei aut meo tempore Preterea concessi predicto Ricardo episcopo ut ipse in prefato bosco suo pannagium suum sibi quietum habeat et ipse habeat pannagium hominum suorum Concessi etiam eidem Ricardo episcopo et successoribus ejus inperpetuum ut habeant sibi et hominibus suis pasturam in predicto bosco suo ita libere et plenaria sicut antecessores sui habuerunt liberius et plenius tempore Regis David avi mei aut tempore Malcolmi Regis fratris mei aut meo tempore Quare prohibeo firmiter ne quis forestariorum meorum nec aliquis alius prenominato Ricardo episcopo vel successoribus ejus super aliquo prescriptorum que eis concessi et hac carta mea confirmavi injuriam molestiam aut vexationem aliquam inferat super meam plenarium foris facturam Testibus comite David fratre meo Hugone cancellario meo Archibaldus abbate de Dunfermelyn Jocelinus archidiacono de Dunkeldyn comite Duncano comite Patricio comite Gylberto Gillchristi comite de Mar Ricardo de Prebenda Alano filio Walteri dapifero Roberto de Lond Willelmo Cumyn Willelmo filio Freskyn Hugone filio suo Willelmo de Lacel Petro de Polloc Apud Forays