Charter Document - 07410011
| Charter Number: | 07410011 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 - 1195 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum omnibus probis hominibus tocius terre sue clericis et laicis salutem Sciant presentes et futuri me dedisse et concessisse et hac carta mea confirmasse Ricardo episcopo de Moravia decem libras de firma burgi mei de Elgin singulis annis percipiendas donec ecclesiam de Foreys et ecclesiam de Dich vacare contigerit Quas cum vacaverint dedi et concessi predicto Ricardo episcopo et successoribus ejus inperpetuum in liberam et puram et perpetuam elemosinam Ita quidem quod si redditus predictarum ecclesiarum cum vacaverint summam decem librarum non contineant quod deerit in ecclesiis istis de decem libris perficiam ei alibi secundum estimacionem legitimam proborum hominum Et si forte unam predictarum ecclesiarum priusquam aliam vacare contigerit de predictis decem libris episcopo tantum decidet quantum redditus illius ecclesie cum tacuerit secundum legitimam proborum hominum estimacionem valebit Quare firmiter precipio ballivis meis de Elgin ut prefato Episcopo predictas decem libras singulis annis de firma prenominati burgi mei de Elgin sine aliqua molestia vel vexatione persolvant vque ad pascham et que libras ad festum sancti Michaelis Testibus comite David fratre meo Archibaldus abbate de Dumfermelyn Hugone cancellario meo comite Duncano comite Patricio comite Gilleberto Roberto de Lund Ricardo de Prebenda clerico meo Willelmo filio Fresekini Willelmo de Laceles Petro de Polloc Apud Elgin