Charter Document - 07410006
| Charter Number: | 07410006 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1187 - 1189 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scottorum episcopis abbatibus comitibus baronibus justiciarijs vicecomitibus prepositis ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac mea carta confirmasse Ricardo Dei gratia episcopo Moravie episcopatum Moravie cum omnibus justis pertinencijs suis tenendum sibi ita libere et quiete et honorifice sicut aliquis episcoporum in regno meo episcopatum liberius et quiecius et honorificencius tenet et possidet et ita plenaria sicut aliquis antecessorum suorum episcoporum episcopatum illum plenius tenuit Preterea concessi et dedi de incremento episcopatui Moravie et predicto Ricardo episcopo Moravie et successoribus suis episcopis pro salute anime mee et antecessorum meorum ecclesiam de Elgin post decessum Ricardi de Prebenda clerici mei et Walteri clerici ejusdem Ricardi cum capella Sancti Andree et cum capella de Murben cum omnibus pertinentijs suis in capellis et terris et omnibus decimis et elemosinis et rectitudinibus ecclesiasticis et ecclesiam de Eren post decessum Ricardi de Prebenda clerici mei similiter cum capella de Inuernaren et cum capella de Rathe et cum capella de Marchus cum omnibus justis pertinenciis suis Tenendas in liberam et perpetuam elemosinam ita libere et quiete plenaria et honorifice sicut alios redditus episcopatus liberius quiecius plenius et honorificencius tenet Testibus Jocelino episcopo Glasguensi Mattheo episcopo Aberdonensi Turpino episcopo Brechinensi Archibaldus abbate de Dunfermelyn Osbertus abbate de Kelchou Henrici abbate de Aberbruthoc Willelmo abbate de Sancte cruce Roberto abbate de Scona Radulpho abbate de Cupre Hugone abbate de Neubothil Reinero abbate de Kynlos comite Duncano justiciario Gilleberto comite de Stradherin Gillebride comite de Henegus Roberto et Willelmo capellanis meis Hugone de sigillo meo clerico Willelmo de Haya Galfrido de Maleuile Willelmo de Moreuilla Apud Kyngorn