Charter Document - 07410002
| Charter Number: | 07410002 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1172 - 1174 |
| Date type: | Assigned |
| Resource Link(s): |
People of Medieval Scotland |
Charter:
Willelmus Rex Scottorum episcopis abbatibus comitibus baronibus justiciarijs vicecomitibus et omnibus probis hominibus tocius terre sue salutem Sciant presentes et futuri me dedisse et concessisse et hac carta mea confirmasse Deo et ecclesie Sancte Trinitatis de episcopatu Moraviensi et domino Simoni episcopo Moravie et successoribus suis in liberam et perpetuam elemosinam pro animabus antecessorum meorum et pro salute anime decimam meam de reditibus meis in Moravia et de placitis meis per totum episcopatum Moraviensem de reditibus meis scilicet de cano de vaccis et porcis de frumento et braseo et prebenda et de caseo et butiro quod antecessores mei non dederunt nec assignaverunt ad ecclesias alias Quare precipio firmiter ballivis meis de Moravia ut ipsi sine disturbatione faciant domino Simoni episcopo et successoribus suis singulis annis plenaria et integre habere predictam decimam sicut superius in carta ista determinatum est Testibus Mattheo episcopo de Aberdon Andree episcopo de Katenes Samsone episcopo de Brechin comite Dunecano Ricardo Cumin Roberto de Lundon Radulffo Veir Willelmo de Lindesei Waltero de Berchelai Hugone clerico Ricardo clerico Apud Munros