Charter Document - 07390419
| Charter Number: | 07390419 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum Jacobo domino de Duglas et balliuis suis constabulario de Jedword salutem Sciatis quod concessimus religiosis viris abbati et conuentui de Melros in puram et perpetuam elemosinam totum tenementum nostrum de Lessedewyn cum omnibus pertinenciis libertatibus et commoditatibus seruiciis libere tenencium in dicto tenemento feoffatorum wardis releuiis maritagiis escaetis et sectis curiarum et cum omnibus aliis que ad reges Scocie predecessores nostros antiquitus de dicto tenemento pertinere solebant sine aliquo retene mento Quare vobis mandamus et precipimus quatinus per bonos et fideles homines constabulario predicte per quos rei veritas melius sciri poterit diligenter et fideliter inquiri faciatis si Maxpoffil Heuisyd Cammaystona et Ilefistona ad dictum tenementum aliquo tempore pertinere solebant et de omnibus pertinenciis libertatibus et seruiciis quibuscunque ad idem tenementum de iure et consuetudine qualitercunque spectantibus Et secundum quod per illam inquisicionem diligenter et fideliter factam super premissis inueneritis dictos abbatem et conuentum et eorum tenentes quoscunque in dicto tenemento non grauantes de cetero eodem tenemento cum omnibus et singulis pertinenciis libertatibus et seruiciis ad idem tenementum pertinentibus libere et pacifice gaudere permittatis Datum apud Melros xxi die Nouembris anno regni nostri vndecimo