Charter Document - 07390418
| Charter Number: | 07390418 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum regum Scocie dedisse concessisse et hac presenti carta nostra confirmasse Deo et ecclesie beate Marie de Melros abbati et monachis ibidem Deo seruientibus et in perpetuum seruituris totum tenementum et terram nostram de Lessidewyn cum pertinenciis sine aliquo retene mento in perpetuum Tenendum et habendum dictis abbati et monachis et eorum successoribus in perpetuum per omnes rectas metas et diuisas suas in liberam puram et perpetuam elemosinam cum tenendiis seruiciis sectis homagiis wardis releuiis et maritagiis libere tenencium de Maxpofil Heuyside Wodfordhuses Ileffeston et omnium aliorum libere tenencium ad dictum tenementum et terram pertinencium seu iuste pertinere valencium in futurum cum omnibus natiuis hominibus eiusdem terre et omnimodis libertatibus in moris maresiis bosco et plano pratis pascuis et pasturis in viis semitis aquis stagnis viuariis multuris et molendinis in aucupacionibus piscacionibus et venacionibus et cum omnibus aliis commoditatibus aisiamentis et iustis pertinenciis suis tam non nominatis quam nominatis adeo libere quiete plenaria et honorifice sicut aliqua elemosina in toto regno Scocie liberius seu quiecius plenius seu honorificencius dari poterit aut teneri Saluis nobis tantum oracionum suffragiis deuotarum In cuius rei testimonium sigillum nostrum presenti carte nostre precepimus apponi Testibus venerabilibus patribus Willelmo et Roberto Sancti Andree et Glasguensi Dei gracia episcopis Edwardo de Brus comite de Carrik et domino Gawidie fratre nostro Thoma Ranulphi comite Morauie nepote nostro Patricio comite Marchie Jacobo domino de Duglas et Roberto de Keth marescallo nostro Apud Are primo die Maii anno regni nostri decimo