Charter Document - 07390416
| Charter Number: | 07390416 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum regum Scocie dedisse concessisse et hac presenti carta nostra confirmasse Deo et ecclesie beate Marie de Melros abbati et monachis ibidem Deo seruientibus et in perpetuum seruituris totam terram nostram et tenementum de Leshidwyne cum pertinenciis Tenendam et habendam dictis abbati et monachis et eorum successoribus in perpetuum in liberam puram et perpetuam elemosinam per omnes rectas metas et diuisas suas cum seruiciis libere tenencium et natiuis hominibus dicte terre debitis et consuetis tempore bone memorie domini Alexandri regis Scocie predecessoris nostri vltimo defuncti et domine Marie regine Scocie matris sue et cum omnibus aliis libertatibus commoditatibus piscariis molendinis aisiamentis et iustis pertinenciis suis tam nominatis quam non nominatis adeo libere et quiete plenaria et honorifice sicut aliqua elemosina in regno Scocie liberius seu quiecius plenius seu honorificencius tenetur aut possidetur saluis nobis tantum oracionum suffragiis deuotarum In cuius rei testimonium presenti carte nostre sigillum nostrum precepimus apponi Testibus venerabilibus patribus Willelmo et Roberto Dei gracia Sancti Andree et Glasguensi episcopis Edwardo de Brus comite de Carryc et domino Galwydie fratre nostro Thoma Ranulphi comite Morauie nepote nostro Patricio comite Marchie Jacobo domino de Duglas et Roberto de Keth marescallo nostro Apud Are primo die Maii anno regni nostri decimo