Charter Document - 07390402
| Charter Number: | 07390402 |
|---|---|
| Cartulary Title: | Liber Sancte Marie de Melros |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue salutem Sciatis nos concessisse et hac presenti carta nostra confirmasse donacionem illam quam Eustacia de Coleuile relicta quondam Reginaldi le Chen militis patris domina de Ouchiltre fecit religiosis viris monachis de Melros et eorum monasterio de aduocacione siue iure patronatus ecclesie de Ouchiltre cum pertinenciis Tenendam et habendam dictis monachis et eorum successoribus ac monasterio de Melros in perpetuum cum terris possessionibus iuribus libertatibus commoditatibus aisiamentis et ceteris pertinenciis suis adeo libere quiete plenaria pacifice et honorifice sicut carta prefate Eustacie predictis monachis et eorum monasterio ex inde confecta plenius iuste pro portat et testatur In cuius rei testimonium presenti carte nostre sigillum nostrum precepimus apponi Testibus Bernardo abbate de Abirbrothoc cancellario nostro Thoma Ranulphi comite Morauie et domino Mannie nepote nostro Patricio de Dunbarr comite Marchie Waltero senescallo Scocie Jacobo domino de Duglas Alexandro Senescalli et Roberto de Keth militibus Apud Dryburgh decimo octauo die Julii anno regni nostri vndecimo